بۇگىنگى تاڭدا ەلىمىزدە 334 حالىققا قىزمەت كورسەتۋ ءبولىمى جۇمىس ىستەيدى, ونىڭ ىشىندە 32 مامانداندىرىلعان حقكو بار, ولار ارقىلى ازاماتتار مەملەكەتتىك قىزمەتتەردىڭ 662 تۇرىنە جۇگىنە الادى. سونداي-اق ازاماتتار ەلەكتروندىق انىقتامالار مەن قىزمەتتەردى egov.kz پورتالى, egovkzbot2.0 تەلەگرامم-بوت, egovmobile قوسىمشاسى ارقىلى مەرەكە كۇندەرىنە قاراماستان ونلاين-رەجيمدە راسىمدەي الادى.
ء«بىز قازاقستاندىقتاردى الداعى جەلتوقسان مەرەكەلەرىمەن قۇتتىقتايمىز. دەمالىس جانە مەرەكە كۇندەرى تۇرعىندار بارلىق شارۋالارىن اياقتاۋعا, قانداي دا ءبىر انىقتاما الۋعا تىرىسادى. حقكو-لار دۇيسەنبىدەن جۇماعا دەيىن ءۇزىلىسسىز ساعات 9.00-دەن 18.00-گە دەيىن جۇمىس ىستەيتىنىن ەسكە سالامىن. سەنبى, جەكسەنبى جانە مەملەكەتتىك مەرەكە كۇندەرى – دەمالىس كۇندەرى», دەدى مەملەكەتتىك كورپوراتسيانىڭ قوعاممەن بايلانىس جونىندەگى باسقارۋشى ديرەكتورى بايرام ازيزوۆ.
حالىققا قىزمەت كورسەتۋ ورتالىقتارى 16-17 جەلتوقساندا قر تاۋەلسىزدىك كۇنىنە بايلانىستى جۇمىس ىستەمەيدى.
