ۇلتتىق قاۋىپسىزدىك كوميتەتى مەملەكەت تىنىشتىعىنىڭ قورعانى. الايدا, قىزىعى مەن قۇپياسى مول بۇل سالانىڭ قىزمەتى جايلى كوپ ايتىلا بەرمەيدى. وقىرمانعا جول تارتقان قوس كىتاپتا بارلاۋشىلاردىڭ بىلايعى جۇرت بىلە بەرمەيتىن جاۋاپتى قىزمەتىنىڭ قىر-سىرى, ەسىمى ەرلىككە ۇلاسقان ازاماتتاردىڭ ايبىندى جولى كەڭىنەن ءورىس العان. اۋىر جەلدىڭ وتىندە ءجۇرىپ ارمانىنان الىستاپ قالعان جانداردىڭ ەسىمىن كەيىنگىلەرگە ۇلگى ەتۋ ماقساتىندا ەرلىكپەن قازا تاپقان باتىرلاردىڭ ءومىر-ونەگەسى قۇندى ەڭبەكتە اسەرلى باياندالعان. كىتاپتىڭ تانىستىرىلىمىنا ۇلتتىق قاۋىپسىزدىك قىزمەتىنىڭ ارداگەرلەرى, قىزمەت بابىندا ەرلىكپەن اجال قۇشقان ازاماتتاردىڭ تۋىس-تۋعاندارى, جۋرناليستەر مەن سالا ماماندارى قاتىستى.
– ۋاقىت وتە كەلە تاريح بەتى اشىلىپ, جازىلۋعا ءتيىس دۇنيەلەر جازىلىپ جاتىر. ۇلتتىق قاۋىپسىزدىك كوميتەتىنىڭ جاۋاپتى قىزمەتى جايلى كوپشىلىك بىلە بەرمەيدى, ويتكەن سەبەبى بۇل تاقىرىپ ايتىلىپ, جازىلمايدى. وسىنداي كىتاپتار ارقىلى بۇگىنگى ۇلتتىق قاۋىپسىزدىك كوميتەتىنىڭ وفيتسەرلەرى, جاۋىنگەرلەرى قانداي قىزمەتكە جۇمىلعانىن جۇرت ءبىلىپ, ولاردىڭ يىعىنا جۇكتەلگەن جاۋاپكەرشىلىك جۇگىنىڭ سالماعىن سەزىنە تۇسەدى. وسى تۇرعىدان العاندا بۇل كىتاپتاردىڭ ماڭىزى زور, – دەيدى «زاستاۆا تارلاندارى» رەسپۋبليكالىق قوعامدىق بىرلەستىگى الماتى قالالىق فيليالىنىڭ جەتەكشىسى مارات ءماجيتوۆ.
ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆتىڭ جەتەكشىلىگىمەن جارىق كورگەن ۇجىمدىق ەڭبەك ەلىمىزدىڭ بارلىق وڭىرلەرىندەگى كىتاپحانالارعا تاراتىلىپ, «مەلومان» كىتاپ دۇكەندەر جەلىسى ارقىلى ساتىلىمعا تۇسەتىن بولادى. سونداي-اق وقىرمان قاۋىم كىتاپتىڭ ەلەكتروندى نۇسقاسىمەن Kitap.kz ينتەرنەت-پلاتفورماسى ارقىلى دا تانىسا الادى. ەلباسى جارلىعىمەن قۇرىلعان ۇقك شەكارا قىزمەتىنىڭ وتكەنى مەن بۇگىنى, وتكەرگەن الماعايىپ كەزەڭدەرى كەڭىنەن سارالانعان ماقالالار شىنايى دەرەككوزدەردەن, ارحيۆتەردەن الىنعان دايەكتەر نەگىزىندە جازىلعان.
