قازاقستان • 27 قاراشا، 2021

بريۋسسەلدە قازاقستانعا ينۆەستيتسيا سالۋ پەرسپەكتيۆالارى تالقىلاندى

46 رەت كورسەتىلدى

قر پرەزيدەنتى قاسىم-جومارت توقاەۆتىڭ بەلگيا كورولدىگىنە رەسمي ساپارى اياسىندا 20-دان استام ءىرى ەۋروپالىق كومپانيا باسشىلىعىنىڭ قاتىسۋىمەن «قازاقستان - بەلگيا - ليۋكسەمبۋرگ: ينۆەستيتسيالىق ىنتىماقتاستىق پەرسپەكتيۆالارى» اتتى دوڭگەلەك ۇستەل ءوتتى، دەپ حابارلايدى Egemen.kz Kazakh Invest ءباسپاسوز قىزمەتىنە سىلتەمە جاساپ.

ساپار اياسىندا ءىرى بەلگيالىق كومپانيالاردىڭ باسشىلارىمەن قازاقستاندا بىرقاتار پەرسپەكتيۆالى ينۆەستيتسيالىق جوبالاردى ىسكە اسىرۋ ماسەلەلەرى بويىنشا ناقتى كەلىسسوزدەر جۇرگىزىلىپ، بىرقاتار كوممەرتسيالىق قۇجاتتارعا قول قويىلدى.

قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى ءوزىنىڭ قۇتتىقتاۋ سوزىندە بەلگيانىڭ بيزنەس قاۋىمداستىعىن ءوزارا ءتيىمدى ىنتىماقتاستىققا، قازاقستان اۋماعىندا بىرلەسكەن وندىرىستەر قۇرۋعا، سونداي-اق ەكىجاقتى قاتىناستاردى دامىتۋدىڭ جاڭا نىساندارىن بىرلەسىپ ىزدەۋگە شاقىردى. سونىمەن قاتار، ول اوك، تمك، جەك، قۇرىلىس جانە ت. ب. قوسا العاندا، قر-داعى باسىم سالالاردىڭ مۇمكىندىكتەرى تۋرالى ايتىپ بەردى.

«قازاقستان بۇگىندە ونەركاسىپتىڭ بارلىق سالالارىندا ءوزارا ءتيىمدى بيزنەس ءۇشىن جاڭا جانە ۇلكەن مۇمكىندىكتەر بەرەتىن زور ينۆەستيتسيالىق الەۋەتكە يە. ەلدەرىمىزدىڭ ىسكەرلىك ورتالارى قازىردىڭ وزىندە بەلسەندى ىنتىماقتاسىپ، بىرلەسكەن جوبالاردى ىسكە اسىرۋدا. بۇل شەتەلدىك بيزنەس تاراپىنان قازاقستانعا دەگەن جوعارى سەنىمنىڭ بەلگىسى»، دەدى قر سىرتقى ىستەر ءمينيسترى مۇحتار تىلەۋبەردى.

«Kazakh Invest» ۇك باسقارما توراعاسى مەيىرجان يۋسۋپوۆ قازاقستانداعى ىسكەرلىك احۋال تۋرالى، سونداي-اق ونىڭ ينۆەستيتسيالىق مۇمكىندىكتەرى تۋرالى تولىعىراق ايتىپ بەردى. ءوز سوزىندە ول دوڭگەلەك ۇستەلگە قاتىسۋشىلاردى قازاقستاننىڭ ەكونوميكالىق دامۋداعى جەتىستىكتەرىمەن، قازاقستان-بەلگيا ينۆەستيتسيالىق ىنتىماقتاستىعىنىڭ پەرسپەكتيۆالىق باعىتتارىمەن، سونداي-اق ەلدەگى ينۆەستيتسيالىق احۋالدى ودان ءارى جاقسارتۋ ءۇشىن قر ۇكىمەتى قابىلداپ جاتقان شارالارمەن تانىستىردى.

دوڭگەلەك ۇستەل قورىتىندىسى بويىنشا قازاقستاندىق Olzha Argo Trade كومپانياسى 16 ملن اقش دوللارى سوماسىنا Vandeputte كومپانياسىمەن قازاقستاننان بەلگياعا زىعىر جەتكىزۋ تۋرالى كەلىسىمگە قول قويدى. سونىمەن قاتار، قازاقستاننىڭ سىرتقى ساۋدا پالاتاسى بريۋسسەل BECI ساۋدا-ونەركاسىپ پالاتاسىمەن جانە فلاندريا VOKA ساۋدا-ونەركاسىپ پالاتاسىمەن ەكى مەموراندۋمعا قول قويدى.

ل

سونداي-اق، ءىس-شارا اياسىندا قر ءسىم ينۆەستيتسيالار جونىندەگى كوميتەتىنىڭ، «Kazakh Invest» ۇك باسشىلىعى الەۋەتتى جانە ىسكە اسىرىلىپ جاتقان ينۆەستيتسيالىق جوبالار بويىنشا بەلگيالىق تاراپپەن بىرقاتار B2B كەزدەسۋلەر وتكىزدى.

ماسەلەن، ەۋروپالىق ءىرى قۇرىلىس ماتەريالدارىن ءوندىرۋشى Soudal باسشىلىعىمەن كەزدەسۋ اياسىندا قازاقستاندىق تاراپ قازاقستانداعى قىزمەتتى كەڭەيتۋ مۇمكىندىگىن ۇسىندى. ايتا كەتسەك، كەلەسى جىلى كومپانيا باتىس قازاقستان وبلىسىنىڭ وڭىرلەرىندە بىرقاتار وكىلدىكتەر اشۋدى جوسپارلاپ وتىر.

بۇدان باسقا، سپۋتنيكتىك وپەراتورلار اراسىندا اينالىم بويىنشا الەمدە ەكىنشى ورىن الاتىن SES كومپانياسىمەن كەزدەسۋدە ينۆەستورلار تسيفرلاندىرۋ سالاسىنداعى بىرقاتار جوبالاردى ىسكە اسىرۋعا مۇددەلى ەكەنىن حابارلادى.

 

سوڭعى جاڭالىقتار

«كانەلونى» جەڭۋدىڭ جالعىز جولى ايتىلدى

كاسىپقوي بوكس • بۇگىن، 18:00

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

ۇقساس جاڭالىقتار