قازاقستان • 27 قاراشا، 2021

مەملەكەتتىك كىرىستەر كوميتەتى كاسىپكەرلەردىڭ موبيلدىك اۋدارىمدارىن باقىلاۋ جونىندە تۇسىنىك بەرىلدى

52 رەت كورسەتىلدى

مەملەكەتتىك كىرىستەر كوميتەتىنىڭ ءباسپاسوز قىزمەتى كاسىپكەرلەردىڭ موبيلدىك اۋدارىمدارىن جاپپاي باقىلاۋ تۋرالى اقپاراتقا تۇسىنىكتەمە بەردى، دەپ حابارلايدى Egemen.kz.

«قازىرگى ۋاقىتتا جەلىدە كاسىپكەرلىكپەن، ونىڭ ىشىندە جەكە تاسىمالداۋمەن اينالىساتىن ادامداردىڭ ءموبيلدى اۋدارىمدارىن جاپپاي باقىلاۋ تۋرالى اقپارات تارالۋدا. ايتا كەتسەك، بيزنەس سۋبەكتىلەرىنە سالىق سالۋ بارىنشا جەڭىلدەتىلگەن، تاكسي جۇرگىزۋشىلەرى پاتەنت نەگىزىندە ارنايى سالىق رەجيمىن قولدانا الادى، ول بويىنشا مولشەرلەمە جالپى تابىستىڭ تەك 1%-ىن قۇرايدى. مىسالى، ەگەر تابىس 300 مىڭ تەڭگەنى قۇراسا، وندا سالىق ايىنا نەبارى 3 مىڭ تەڭگە بولادى»، دەپ ءتۇسىندىردى مەملەكەتتىك كىرىستەر كوميتەتىندە.

بۇل رەتتە كاسسالىق اپپاراتتى ساتىپ الۋ مىندەتتى ەمەس، ونلاين كاسسالىق اپپاراتتاردىڭ بىرنەشە تەگىن ءموبيلدى نۇسقالارى بار. كەلەسى جىلدان باستاپ «e-Salyk Business» ءموبيلدى قوسىمشاسىن پايدالانا وتىرىپ اسر ەنگىزىلەدى.

«اتالعان قوسىمشادا جك تىركەۋگە، سالىق سالۋ رەجيمىن تاڭداۋعا بولادى، قوسىمشا كاسسالىق اپپارات رەتىندە پايدالانىلۋى مۇمكىن. سالىقتار مەن تولەمدەردى وسى قوسىمشانى قولدانا وتىرىپ تولەۋگە بولادى. سونىمەن قاتار، مەملەكەت شاعىن كاسىپكەرلىكتى دامىتۋ ماقساتىندا جەكە كاسىپكەرلەر 2023 جىلعا دەيىن كىرىستەرىنەن سالىق تولەۋدەن بوساتىلىپ، تەكسەرۋ جۇرگىزۋگە موراتوري جاريالادى. وسىعان بايلانىستى كاسىپكەرلەردى زاڭدى بيزنەس جۇرگىزۋگە، ناقتى كىرىستەردى كورسەتۋگە شاقىرامىز، بۇل جالپىعا بىردەي دەكلاراتسيالاۋدى ەنگىزۋ قارساڭىندا وزەكتى بولماق»، دەپ اتاپ ءوتتى مەملەكەتتىك كىرىستەر كوميتەتىندە.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار