الەم • 27 قاراشا، 2021

ۇلىبريتانيادا «ارۆەن» داۋىلىنان ەكى ادام قازا تاپتى

45 رەت كورسەتىلدى

«ارۆەن» داۋىلى ۇلىبريتانيانىڭ سولتۇستىگىندە ەكى ادامنىڭ ءومىرىن قيدى، دەپ حابارلايدى Egemen.kz Sky News سايتىنا سىلتەمە جاساپ.

«لانكاستەردەن كەلگەن ەر ادامنىڭ ۇستىنە اعاش قۇلاپ، زارداپ شەككەن ادام وقيعا ورنىندا قايتىس بولدى»، دەپ حابارلادى جەرگىلىكتى تەلەارنا كامبريا وكرۋگىنىڭ پوليتسياسىنا سىلتەمە جاساپ. توتەنشە جاعدايلار قىزمەتى ءالى دە وقيعا ورنىندا.

بۇل «ارۆەن» داۋىلى سالدارىنان بولعان ەكىنشى ءولىم، سولتۇستىك يرلانديانىڭ انتريما قالاسىندا قۇلاعان اعاشقا كولىك سوعىلعان كەزدە تاعى ءبىر ادام قايتىس بولعان.

داۋىل جاپپاي ەلەكتر قۋاتىنىڭ وشىرىلۋىنە اكەلىپ سوقتى. اتاپ ايتقاندا، Northern Powergrid وپەراتورىنىڭ مالىمەتتەرى بويىنشا، «ارۆەن» داۋىلىنىڭ سالدارىنان انگليانىڭ سولتۇستىك-شىعىسىندا جانە يوركشيردە 112 مىڭ جىلجىمايتىن م ۇلىك ەلەكتر جارىعىنسىز قالعان.

ۇلىبريتانيانىڭ ۇلتتىق مەتەورولوگيالىق قىزمەتى جۇما كۇنى ەلگە كەلە جاتقان داۋىلعا بايلانىستى ەسكەرتۋ جاريالادى. شوتلانديا مەن انگليانىڭ سولتۇستىك-شىعىسىنداعى جاعالاۋداعى اۋدانداردا 80 ميلدەن اساتىن ەڭ جويقىن جەل بەت الدى. قاتتى جەلدەن باسقا، «ارۆەن» داۋىلى شوتلانديا مەن سولتۇستىك انگليانىڭ توبەسىنە قار اكەلدى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار