الەم • 27 قاراشا، 2021

«وميكرون»: الەم ەلدەرى شەكارالارىن جاۋىپ جاتىر

734 رەت كورسەتىلدى

جەنەۆاداعى دۇنيەجۇزىلىك دەنساۋلىق ساقتاۋ ۇيىمىنىڭ شۇعىل وتىرىسىندا كوروناۆيرۋس مۋتانتى رەسمي VOC (قاۋىپ تۋدىراتىن نۇسقا) دەپ جىكتەلدى، دەپ حابارلايدى Egemen.kz ۆۆس-گە سىلتەمە جاساپ.

«بۇل نۇسقادا وتە كوپ مۋتاتسيا بار، ولاردىڭ كەيبىرى اسا قاۋىپتى. الدىن الا مالىمەت بويىنشا، بۇل ءتۇردى باسقا شتاممدارمەن سالىستىرعاندا قايتا جۇقتىرۋ قاۋپى جوعارى. سونداي-اق كوروناۆيرۋستىڭ بۇل ءتۇرى بۇعان دەيىنگى ينفەكتسيالارعا قاراعاندا تەز تارالادى»، دەپ اتاپ ءوتتى ددسۇ.

جۇما كۇنى تاڭەرتەڭنەن باستاپ الەم ەلدەرى شەكارادا شەكتەۋ شارالارىن كۇشەيتە باستادى. وڭتۇستىك افريكادا تابىلعان جانە B.1.1.529 دەپ اتالاتىن كوروناۆيرۋستىڭ جاڭا قاۋىپتى ءتۇرىن ءوز اۋماعىنا اكەلۋگە جول بەرمەۋگە تىرىسىپ جاتىر.

قازىرگى ۋاقىتتا كوروناۆيرۋستىڭ جاڭا ءتۇرىن 100-گە جۋىق ادام جۇقتىرعان، ولاردىڭ كوپشىلىگى وڭتۇستىك افريكانىڭ گاۋتەنگ پروۆينتسياسىندا. رەسەيدەن بولەك، اقش، ۇلىبريتانيا، گەرمانيا، يتاليا، يزرايل، سينگاپۋر، فرانتسيا، چەحيا جانە جاپونيا دا افريكا ەلدەرىنىڭ ازاماتتارىنا ەلگە كىرۋگە تىيىم سالدى.

«وميكرون» ەۋروپاعا دا جەتكەن: العاشقى جاعداي بەلگيادا تىركەلدى. ەۋروكوميسسيا باسشىسى ۋرسۋلا فون دەر ليايەن بارلىق ەۋروپا ەلدەرىن ۆيرۋستىڭ جاڭا ءتۇرى تابىلعان ەلدەردەن كەلەتىن تۋريستەردى ۋاقىتشا كىرگىزبەي تۇرۋعا شاقىردى.

«قازىر ەۋروپادا ءبارىمىز وتە تەز، باتىل جانە ۇيلەسىمدى ارەكەت ەتۋىمىز كەرەك»، دەدى ول.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

ۇقساس جاڭالىقتار