الەم • 26 قاراشا، 2021

دۇنيەجۇزىلىك بانك مۇناي باعاسىنا بولجام جاسادى

58 رەت كورسەتىلدى

بيىل مۇناي باعاسى (Brent، WTI جانە Dubai) باررەلىنە ورتا ەسەپپەن 70 اقش دوللارىن قۇرادى. دۇنيەجۇزىلىك بانك مالىمەتىنشە، 2022 جىلى باعا باررەلىنە 74 دوللارعا دەيىن كوتەرىلەدى، دەپ حابارلايدى Egemen.kz.

«الەم بويىنشا مۇنايعا سۇرانىس ارتتى. كورسەتكىش پاندەمياعا دەيىنگى دەڭگەيگە جەتەدى. الەم بويىنشا ەنەرگيا كوزدەرىنىڭ قىمباتتاۋى بايقالادى. مۇنايدى تابيعي گازدى الماستىرعىش رەتىندە پايدالانۋ باعانىڭ وسۋىنە اسەر ەتىپ وتىر. 2022 جىلى مەتالدار باعاسى 5%-عا تومەندەيدى»، دەلىنگەن دۇنەيەجۇزىلىك بانك بولجامىندا.

بانكتىڭ اعا ەكونوميسى دجون باففستىڭ ايتۋىنشا، تابيعي گاز بەن كومىر باعاسىنىڭ ءوسۋى اليۋميني مەن مىرىشتى قوسا العاندا، بىرقاتار مەتالدار ءوندىرىسىنىڭ تومەندەۋىنە كەرى ىقپال ەتپەك. الداعى ۋاقىتتا الەمدە ەنەرگيا كوزدەرىنىڭ تاپشىلىعى تۋىندايدى.

2021 جىلدىڭ ءۇشىنشى توقسانىندا ەنەرگيا باعاسى تەز ءوستى. كەلەر جىلى باعا كوتەرىلمەسە، تومەندەمەيدى. بۇل بۇكىل الەمدە ينفلياتسيالىق قىسىمنىڭ جوعارىلاۋىنا ىقپال ەتەدى. ەنەرگيا ەكسپورتتاۋشى ەلدەردە ءوسىم بولادى، يمپورتتاۋشى ەلدەر شىعىنعا باتادى. بانك بولجامىنا سايكەس 2021 جىلمەن سالىستىرعاندا ەنەرگيا تاسىمالداۋ 2022 جىلى 80%-عا ءوسۋى مۇمكىن.

 

سوڭعى جاڭالىقتار

ۇقساس جاڭالىقتار