«Hill Corporation» جشس بولعان ماعزۇم مارات ۇلى كاسىپورىننىڭ جۇمىسىمەن تانىستى. بۇگىندە ءوندىرىس ورنىندا مايلاۋ ماتەريالدارى شىعۋدا. بۇل باعىتتا وزىق تەحنولوگيالار مەن ساپالى شيكىزات پايدالانىلىپ كەلەدى. جالپى سوماسى 3,3 ملرد تەڭگە بولاتىن جوبا قۋاتتىلىعىنا سايكەس جىلىنا 72 مىڭ توننا مايلاۋ ماتەريالدارىن وندىرەدى. دايىن ونىمدەردى قىرعىزستان, وزبەكستان, قىتاي, يران, رەسەي, ۋكراينا جانە باسقا دا ەلدەرگە ەكسپورتتاۋ جوسپارلانىپ وتىر.
سونداي-اق ماعزۇم مىرزاعاليەۆ «شىمكەنت حيميا كومپانياسى» جشس بولىپ, مەتيل-ترەت-بۋتيل ەفيرىن وندىرەتىن زاۋىت سالۋ جوباسىمەن تانىستى. مۇندا ك4 جانە ك5 ەكولوگيالىق سىنىپتارىنداعى بەنزين ءوندىرۋدى جالعاستىرۋ ءۇشىن شىمكەنت مۇناي وڭدەۋ زاۋىتىنان وكتان ارتتىراتىن قوسپالارعا قاجەتتى مەتيل-ترەت-بۋتيل ەفيرى ءوندىرىسى ۇيىمداستىرىلماق. جالپى قۇنى 13,7 ملرد تەڭگە بولاتىن جوبا بويىنشا 650 استام تۇرعىن جۇمىسمەن قامتىلادى دەپ كۇتىلۋدە. ماعزۇم مىرزاعاليەۆ «Petro Kazakhstan Oil Products» جشس بولىپ, مۇناي وڭدەۋ زاۋىتىنىڭ وندىرىستىك كورسەتكىشتەر جوسپارىن ورىنداۋ جانە وندىرىستىك قۋاتىن كەڭەيتۋ ماسەلەلەرى بويىنشا كەڭەس وتكىزدى.
«بۇگىنگى كۇنى شىمكەنت مۇناي وڭدەۋ زاۋىتى ەلىمىزدەگى تۇراقتى جۇمىس ىستەپ كەلە جاتقان بىردەن ءبىر كاسىپورىن. ءبىز بۇگىن ءوندىرىس ورنىنىڭ قۋاتتىلىعىن ارتتىرۋ ماقساتىنداعى الداعى جۇمىس جوسپارىن تالقىلايمىز», دەدى قر ەنەرگەتيكا ءمينيسترى.
جيىندا شىمكەنت مۇناي وڭدەۋ زاۋىتىنىڭ قۋاتتىلىعىن ارتتىرۋ ماسەلەسىن زەرتتەۋ باعىتىنداعى جۇمىستار جان جاقتى تالقىلاندى. ماماندار جۇمىس جوسپارىمەن تانىستىرىپ, كۇتىلەتىن ناتيجەلەردى ايتىپ ءوتتى. سونىمەن قاتار, مۇناي وڭدەۋ زاۋىتىن كەڭەيتۋ كەزىندە مۇنايدى تاسىمالداۋدى قامتاماسىز ەتۋ شارالارى قاراستىرىلدى. كەڭەس قورىتىندىسى بويىنشا مينيستر زاۋىتتىڭ قايتا وڭدەۋ قۋاتتىلىعىن ۇلعايتۋدىڭ تەحنيكالىق ەكونوميكالىق نەگىزدەمەسىن ازىرلەۋگە قازىردەن باستاپ كىرىسۋ كەرەكتىگىن ايتتى. سونداي-اق, «Petro Kazakhstan Oil Products» جشس وڭدەۋ قۋاتتىلىعىن كەڭەيتۋدىڭ بارلىق كەزەڭدەرىنىڭ مەرزىمدەرىن وڭتايلاندىرۋ كەرەكتىگىن تاپسىردى. قۇمكول جانە اقتوبە كەن ورىندارى توبىندا مۇناي ءوندىرۋدىڭ تومەندەۋى اياسىندا جەتكىزىلەتىن مۇنايدىڭ قولايلى ساپالىق سيپاتتامالارىن قامتاماسىز ەتۋ جونىندەگى ءىس-شارالاردىڭ ورىندالۋىن ەرەكشە باقىلاۋعا الۋ كەرەكتىگىنە توقتالدى.
