قر اقپارات جانە قوعامدىق دامۋ مينيسترلىگىنىڭ اتىنان ۆيتسە-مينيستر سەرىك ەگىزباەۆ كونفەرەنتسيانى ۇيىمداستىرۋشىلار مەن قاتىسۋشىلارعا قۇتتىقتاۋ ءسوز سويلەدى. ول ءبىزدىڭ قوعامىمىزدىڭ دامۋىنداعى يسلامنىڭ ەرەكشە ءرولىن جانە قازاقستان مۇسىلماندارى ءدىني باسقارماسىنىڭ ەل مۇسىلماندارى اراسىنداعى بىرلىك پەن ىنتىماقتاستىقتى ساقتاۋعا قوسقان ۇلەسىن اتاپ ءوتتى.
قۇرمەتتى قوناقتار رەتىندە وزبەكستان, قىرعىزستان, موڭعوليا باس مۇفتيلەرى, قوعام قايراتكەرلەرى, «نۇر-مۇباراك» ەگيپەت يسلام مادەني ۋنيۆەرسيتەتى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورلارى مەن شىعىستانۋشىلارى, سونداي-اق ونلاين-فورماتتا تۇركيا, رەسەي جانە تاجىكستاننىڭ باس مۇفتيلەرى قاتىستى.
كونفەرەنتسياعا قاتىسۋشىلار ەل تاۋەلسىزدىگىنىڭ 30 جىلى بويى ءدىن سالاسىنداعى سالماقتى مەملەكەتتىك ساياساتتى اتاپ ءوتتى. ولار قازاقستاننىڭ تۇڭعىش پرەزيدەنتى-ەلباسى نۇرسۇلتان نازارباەۆتىڭ ەرەكشە ەڭبەگىن اتاپ ءوتىپ, قازاقستان پرەزيدەنتى قاسىم-جومارت توقاەۆتىڭ ءدىن سالاسىنداعى جانە كونفەسسياارالىق كەلىسىمدى نىعايتۋ جونىندەگى باستامالارىنا قولداۋ ءبىلدىردى.
