وبلىس اۋماعىندا براكونەرلىك, بيولوگيالىق رەسۋرستار وبەكتىلەرىنىڭ زاڭسىز اينالىمى فاكتىلەرىن انىقتاۋ جانە جولىن كەسۋ ماقساتىندا الماتى وبلىسى پوليتسيا دەپارتامەنتى تابيعاتتى قورعاۋ پوليتسياسىنىڭ قىزمەتكەرلەرىمەن «براكونەر» جەدەل الدىن الۋ شاراسى ءوتتى.
«جەدەل الدىن الۋ ءىس-شاراسىن وتكىزۋ قورىتىندىسى بويىنشا: 4 كم. 700 مەتر قىتاي بالىق اۋلاۋ جەلىسى, 4 قايىق (2 رەزەڭكە, 2 اليۋميني), 4172 كگ بالىق, 53 تەكشە مەتر زاڭسىز دايىندالعان اعاش, 4 دانا بەنزوپيلا, 10 دانا اتىس قارۋى (ونىڭ ىشىندە 8 تەگىس ۇڭعىلى, 2 ويىق ۇڭعىلى), 1 جويىلىپ كەتۋ قاۋپى بار «سۇڭقار-بالابان» قۇسى, 1 «P. I. T.» ماركالى بەنزين ەلەكتر گەنەراتورى تاركىلەندى جانە 348 ەكولوگيالىق سيپاتتاعا قۇقىق بۇزۋشىلىق انىقتالىپ, ول بويىنشا 16 قىلمىستىق ءىس قوزعالدى», دەدى الماتى وبلىسى پد تقپ توبىنىڭ اعا ينسپەكتورى, پوليتسيا مايورى سەرىك بايعازينوۆ.
تابيعاتتى قورعاۋ زاڭناماسىن بۇزعانى ءۇشىن 332 قۇقىق بۇزۋشى اكىمشىلىك جاۋاپكەرشىلىككە تارتىلدى. قۇقىق بۇزۋشىلارعا جالپى سوماسى 1 ملن. 801 مىڭ 248 تەڭگە كولەمىندە ايىپپۇل تۇرىندەگى اكىمشىلىك جازا قولدانىلدى.
«مەملەكەتكە كەلتىرىلگەن زالال 9 ملن 397 مىڭ 630 تەڭگەنى قۇرادى», دەلىنگەن وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
