مەديتسينا • 25 قاراشا، 2021

ەلىمىزدە وبانىڭ الدىن الۋ بويىنشا ءىس-شارالارعا قويىلاتىن تالاپتار بەكىتىلدى

38 رەت كورسەتىلدى

قر دەنساۋلىق ساقتاۋ ءمينيسترى 2021 جىلعى 17 قاراشاداعى بۇيرىقپەن ينفەكتسيالىق اۋرۋلاردىڭ (وبا، تىرىسقاق) الدىن الۋ بويىنشا سانيتاريالىق-ەپيدەمياعا قارسى ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتاريالىق-ەپيدەميولوگيالىق تالاپتاردى بەكىتتى، دەپ حابارلايدى Egemen.kz.

قاعيدالارعا سايكەس مۇنداي ءىس-شارالار قاجەت بولعان كەزدە وباعا قارسى كۇرەس ستانتسيالارى، ال ولار بولماعان كەزدە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ اۋماقتىق بولىمشەلەرى مەنشىك نىسانىنا قاراماستان مەديتسينالىق ۇيىمدارعا كونسۋلتاتسيالىق-ادىستەمەلىك كومەك كورسەتەدى.

سانيتاريالىق-ەپيدەمياعا قارسى ءىس-شارالاردى جۇرگىزۋ كەزىندە ەاەو ونىمدەرىن مەملەكەتتىك تىركەۋ تۋرالى كۋالىكتەردىڭ بىرىڭعاي تىزىلىمىندە تىركەلگەن دەزينفەكتسيا، دەزينسەكتسيا، دەراتيزاتسيا قۇرالدارىن پايدالانادى.

وبا كەزىندەگى ارەكەتتەر

وبانىڭ تابيعي وشاقتارىنداعى سانيتاريالىق-ەپيدەميولوگيالىق مونيتورينگتى حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ اۋماقتىق بولىمشەلەرى جانە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن مەملەكەتتىك ۇيىمدار جۇزەگە اسىرادى.

وبا بويىنشا ەنزووتيالىق اۋماقتا شارۋاشىلىق قىزمەتتى جۇزەگە اسىراتىن زاڭدى جانە جەكە تۇلعالار شتات پەرسونالى مەن تارتىلعان ادامداردى وبانىڭ تابيعي وشاعىنداعى سانيتاريالىق-ەپيدەميولوگيالىق جاعداي، وبا اۋرۋىنا كۇدىك تۋىنداعان جاعدايدا جەكە قورعانۋ شارالارى مەن ءىس-قيمىلدار تۋرالى حاباردار ەتەدى، سونداي-اق ەپيدەميالىق جاعداي تۋىنداعان كەزدە ادامداردىڭ قاۋىپسىزدىگىن قامتاماسىز ەتۋ ءۇشىن شارالار قابىلدايدى.

حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگاننىڭ اۋماقتىق بولىمشەلەرى وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىمەن جانە وباعا قارسى ۇيىمدارمەن بىرلەسىپ اۋماقتاردى سانيتاريالىق قورعاۋ جونىندەگى ءىس-شارالار جوسپارلارىن جانە سانيتاريالىق-ەپيدەمياعا قارسى ءىس-شارالاردىڭ جەدەل جوسپارلارىن ازىرلەيدى:

  1. اۋماقتىڭ ىقتيمال قاۋىپتىلىك دارەجەسىن ەسكەرە وتىرىپ، وباعا تۇراقتى سانيتاريالىق-ەپيدەميولوگيالىق مونيتورينگ جۇرگىزۋدى قامتاماسىز ەتۋ جونىندەگى شارالار;
  2. وبا بويىنشا ەپيدەميالىق اسقىنۋلار جاعدايىندا مەديتسينالىق جانە وباعا قارسى ستانتسيالاردىڭ تۇراقتى ازىرلىگىن جانە ءوزارا ءىس-قيمىلىن قامتاماسىز ەتۋ جونىندەگى شارالار;
  3. وبانىڭ تابيعي وشاقتارىنىڭ اۋماعىندا تۇراتىن حالىقتىڭ وبامەن اۋىرۋىنىڭ، ونى تابيعي وشاقتاردان تىسقارى جەرگە شىعارۋدىڭ، شەتەلدەن اكەلۋدىڭ جانە قر اۋماعىندا ەپيدەميالىق تارالۋدىڭ الدىن الۋعا باعىتتالعان جۇمىستاردى ماتەريالدىق-تەحنيكالىق قامتاماسىز ەتۋ;
  4. وبا اۋرۋىنىڭ جەكەلەگەن جانە جاپپاي جاعدايلارى تۋىنداعان كەزدە كۇشتەر مەن قۇرالداردى ەسەپتەي وتىرىپ، وبانىڭ ەپيدەميالىق وشاعىن ۋاقتىلى وقشاۋلاۋ جانە جويۋ جونىندەگى سانيتاريالىق-ەپيدەمياعا قارسى ءىس-شارالار كەشەنى;
  5. وبا بويىنشا سانيتاريالىق-ەپيدەمياعا قارسى ءىس-شارالاردى جۇرگىزۋ ءۇشىن مەديتسينالىق ۇيىمداردى مەديتسينالىق قۇرالىمداردى ورىستەتۋگە ازىرلىكتە ۇستاۋ;
  6. وبانىڭ ەپيدەميالىق وشاعىن وقشاۋلاۋ جانە جويۋ ءۇشىن ورىستەتىلەتىن مامانداندىرىلعان قۇرالىمداردىڭ مەديتسينالىق پەرسونالىن دايارلاۋ;
  7. بانىڭ الدىن الۋ ماسەلەلەرى بويىنشا حالىقتىڭ ءبىلىمىن ارتتىرۋعا باعىتتالعان سانيتارلىق-اعارتۋ جۇمىستارىن جۇرگىزۋ.

مەديتسينالىق ۇيىمدار جىل سايىن وباعا قارسى ستانتسيالار انىقتايتىن ەپيدەميالىق ماۋسىم باستالعانعا دەيىن ءبىر ايدان كەشىكتىرمەي تابيعي وشاقتىڭ اۋماعىندا ۋاقىتشا نەمەسە تۇراقتى بولاتىن ادامداردى وباعا قارسى ۆاكتسيناتسيالاۋدى جۇرگىزۋى ءتيىس.

قۇجاتتىڭ تولىق ماتىنىمەن مىنا سىلتەمە ارقىلى تانىسا الاسىز.

بۇيرىق 2021 جىلعى 4 جەلتوقساننان باستاپ قولدانىسقا ەنگىزىلەدى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار