ەگەمەن قازاقستان • 25 قاراشا، 2021

«ەگەمەن قازاقستان» مەن «قازپوچتا» اق باسشىلارى مەموراندۋمعا قول قويدى

107 رەت كورسەتىلدى

«قاي ەلدىڭ ءباسپاسوزى مىقتى بولسا، سول ەلدىڭ وزى دە مىقتى» دەگەن مىرجاقىپ دۋلاتوۆتىڭ ءسوزى بۇگىنگە دەيىن ءوزىنىڭ ماڭىزىن جويعان جوق. باسپاسوزگە جازىلۋ ناۋقانىندا ءجۇز جىلدىق تاريحى بار ەلىمىزدىڭ باس باسىلىمى «ەگەمەن قازاقستاندى» وقىرمان قاي كەزدە دە جوعارى باعالايتىنى ءسوزسىز، دەپ جازادى Egemen.kz.

البەتتە، ەلىمىزدىڭ ءار قيىرىنداعى وقىرمانداردى ساپالى اقپاراتپەن قامتاماسىز ەتۋ – «ەگەمەن قازاقستان»، «كازاحستانسكايا پراۆدا» گازەتتەرىنىڭ باستى مىندەتى بولسا، گازەتتى بۇقارانىڭ قولىنا دەر كەزىندە جەتكىزۋ «قازپوچتا» اق قىزمەتكەرلەرىنىڭ، حات تاسۋشىلاردىڭ باستى بورىشى.

وقىرمان تاراپىنان ايتىلاتىن «گازەت كەشىگىپ جاتىر»، ء«الى دە قولىمىزعا تيگەن» جوق دەگەن شاعىم ارا-تۇرا باسىلىم باسشىلارىنىڭ قۇلاعىنا جەتىپ تۇراتىنى راس. وسى جانە وزگە دە ماسەلەلەردىڭ ەندىگارى الدىن الۋ ماقساتىندا «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى دارحان قىدىرالى مەن «قازپوچتا» اق باسقارما توراعاسى سەرىك ساۋداباەۆ ەكىجاقتى مەموراندۋمعا قول قويدى.

1964

«قۇرمەتتى ارىپتەستەر، قادىرلى «قازپوچتا» اق باسشىلىعى، ءجۇز جىلدىق تاريحى بار باسىلىم شاڭىراعىنا قوش كەلدىڭىزدەر. بۇل مەموراندۋمعا قول قويۋ ءراسىمىنىڭ ماڭىزى زور. ەلىمىزدىڭ ءار قيىرىنداعى، جەتۋدىڭ ءوزى قيىندىق تۋدىراتىن الىستاعى ەلدى مەكەندەرگە باسىلىمدى تاراتىپ جۇرگەن پوچتا قىزمەتكەرلەرىنىڭ ەڭبەگىن قاي كەزدە دە جوعارى باعالايمىز. كەلگەندەرىڭىز ءۇشىن زور العىسىمدى بىلدىرەمىن»، دەدى دارحان قۋاندىق ۇلى.

بۇدان كەيىن «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى دارحان قىدىرالى «قازپوچتا» اق باسقارما توراعاسى سەرىك ساۋداباەۆقا «ەگەمەن قازاقستان» جانە «كازاحستانسكايا پراۆدا» گازەتتەرىنىڭ اتىنان ارنايى سىيلىقتى تارتۋ ەتتى.

«البەتتە، اقپاراتتى ينتەرنەتتەن الۋعا دا بولادى. بىراق ءباسپاسوز وكىلدەرى سوڭعى وقىرمانى قالعانشا جاساي بەرەدى. ەڭ نەگىزگىسى – گازەتتى وقىرمانعا دەر كەزىندە جەتكىزۋ. ءبىز «قازپوچتا» اق-مەن بىرلەسە وتىرىپ پوچتا قىزمەتكەرلەرىن جانە وقىرمانداردى ىنتالاندىرۋ ماقساتىندا ارنايى سىيلىقتار دا قاراستىرۋدامىز»، دەدى دارحان قىدىرالى.

ايتا كەتەيىك، بۇعان دەيىن «ەگەمەن قازاقستان» رەسپۋبليكالىق گازەتى» اكتسيونەرلىك قوعامى بارىنشا كوپ جازىلىم ۇيىمداستىرعان وقىرماندار اراسىندا ارنايى بايقاۋ جاريالاعان بولاتىن. جازىلىم ناۋقانىندا بەلسەندىلىك تانىتقاندار سمارتفون جانە ءتۇرلى قۇندى كىتاپتار ۇتىپ الا الادى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار