قوعام • 25 قاراشا، 2021

قازاقستان سوتتا امەريكالىق كومپانيانى جەڭدى

34 رەت كورسەتىلدى

Big Sky Energy Corporation امەريكالىق كومپانياسى باستاماشىلىق ەتكەن اربيتراج پروتسەسىندە قازاقستان جەڭىسكە جەتتى، دەپ حابارلايدى Egemen.kz.

«2021 جىلعى 24 قاراشادا ينۆەستيتسيالىق داۋلاردى رەتتەۋ بويىنشا حالىقارالىق ورتالىعى (يدرحو) جانىنداعى تورەلىك تريبۋنال Big Sky Energy Corporation امەريكالىق كومپانياسىنىڭ باستاماسىمەن قازاقستان رەسپۋبليكاسىنا قارسى اربيتراجدا قازاقستاننىڭ پايداسىنا شەشىم شىعاردى. تالاپ ارىز سوماسى 460،1 ميلليون اقش دوللارى»، دەلىنگەن حابارلامادا.

ۆەدومستۆو مالىمەتىنشە، قازاقستان رەسپۋبليكاسى تريبۋنالدى قازاقستان مەن اقش اراسىنداعى ەكىجاقتى ينۆەستيتسيالىق كەلىسىم بۇزىلماعانىن دالەلدەگەن. تالاپكەر تالاپتارى تولىعىمەن قابىلدانباعان.

تريبۋنال تالاپكەردى شىعىنداردى تولەۋگە مىندەتتەدى.

تورەلىك تالاپ ارىزدى Big Sky Energy Corporation امەريكالىق كومپانياسى 2017 جىلعى شىلدەدە يدرحو ەرەجەلەرىنە سايكەس باستاعانى ايتىلدى. تىڭداۋلار 2021 جىلعى 4-12 قاڭتار ارالىعىندا ونلاين فورماتتا ءوتتى.

«تالاپكەردىڭ نەگىزگى شاعىمدارى، اتىراۋ وبلىسىنداعى مۇناي كەن ورىندارىندا جەر قويناۋىن پايدالانۋ قۇقىعى بار «قوجان» جشس كومپانياسىنداعى قاتىسۋ ۇلەسىن ەكسپروپرياتسيالاۋعا الىپ كەلگەن، مەملەكەتتىك ورگانداردىڭ، تالاپكەردىڭ ايتۋىنشا، زاڭسىز ءىس-ارەكەتتەرى سانالادى. ءىس بويىنشا قازاقستان رەسپۋبليكاسىنىڭ مۇددەسىن قر ادىلەت مينيسترلىگى Reed Smith LLP زاڭ فيرماسىمەن بىرلەسىپ بىلدىرەدى»، دەلىنگەن حابارلامادا.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار