باياندامانى «بۇۇ-ايەلدەر» قۇرىلىمى دايىنداعان. ول 13 ەلدە وتكىزىلگەن ساۋالناماعا نەگىزدەلگەن. ساۋالناما كارانتين كەزىندە ۇيدە قامالعان ايەلدەردىڭ تاعى ءبىر پاندەميانىڭ – زورلىق-زومبىلىق ىندەتىنىڭ قۇرباندارى بولعانىن كورسەتىپ وتىر.
«وسى قالىپتاسقان كەرى جاعدايدى جويۋ ءۇشىن بىرىگىپ كۇش جۇمىلدىرۋىمىز كەرەك», دەدى «بۇۇ-ايەلدەر» قۇرىلىمىنىڭ اتقارۋشى ديرەكتورى سيما باحۋس.
سونىمەن قاتار زورلىق-زومبىلىق قۇرباندارى پسيحيكالىق جانە ەموتسيونالدى كۇيزەلىستەن 1,3 ەسە ءجيى زارداپ شەككەنى بەلگىلى بولدى. ءاربىر ءتورتىنشى ايەل پاندەميا كەزىندە ءوزىن ءوزىن قورعانسىز سەزىنگەن.
ونىڭ باستى سەبەبى – وتباسى مۇشەلەرى نەمەسە سەرىكتەرىنىڭ تاراپىنان كورسەتىلگەن جىنىستىق جانە فيزيكالىق زورلىق-زومبىلىق. ساۋالناماعا جاۋاپ بەرگەن ايەلدەردىڭ 40%-ى پاندەميا باستالعاننان باستاپ جالعىز قىدىرۋعا قورقاتىنىن مالىمدەگەن. بەس ايەلدىڭ ۇشەۋى قوعامدىق جەرلەردە جىنىستىق قىسىم كورسەتۋ جاعدايلارىنىڭ جيىلەگەنىن ايتتى.
بۇۇ-نىڭ باس حاتشىسى ايەلدەرگە قاتىستى زورلىق-زومبىلىقتى تومەندەتۋ باعىتىندا ءتيىستى شارالار جاساۋ قاجەتتىگىن ايتتى.
