ەلباسى • 23 قاراشا, 2021

ايدوس ۇكىباي ەلباسى شەشىمىنىڭ سەبەبىن ءتۇسىندىردى

505 رەت
كورسەتىلدى
1 مين
وقۋ ءۇشىن

قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كەڭەسشىسى - ءباسپاسوز حاتشىسى ايدوس ۇكىباي نۇرسۇلتان نازارباەۆتىڭ Nur Otan پارتياسىنىڭ توراعاسى وكىلەتتىگىن پرەزيدەنتكە تاپسىرۋ تۋرالى شەشىمىن ءتۇسىندىردى, دەپ حابارلايدى Egemen.kz.

ايدوس ۇكىباي ەلباسى شەشىمىنىڭ سەبەبىن ءتۇسىندىردى

«نۇرسۇلتان ءابىش ۇلىنىڭ لاۋازىمى مەن قۇقىقتارىنا قاراماستان, ۇلتىمىزدىڭ كوشباسشىسى – ەلباسى, الەم مويىنداعان قازىرگى زاماننىڭ كورنەكتى ساياساتكەرى, بەدەلدى تۇلعا بولىپ قالاتىنىن ءتۇسىنۋ كەرەك. زاماناۋي قازاقستاننىڭ نەگىزىن قالاعان, جانىن سالىپ, بۇكىل ءومىرىن ەلگە ارناعان ادامنىڭ ارقاشان حالىق مۇددەسىن ويلاپ, ەلىمىزدىڭ بولاشاعى ءۇشىن الاڭدايتىنىن ءبارى تۇسىنەدى دەپ ويلامىن. ەلباسىنىڭ بۇل ۇستانىمى وزگەرمەك ەمەس. بۇگىنگى شەشىم – بيلىكتى تاپسىرۋدىڭ لوگيكالىق جالعاسى عانا.

نۇرسۇلتان نازارباەۆ اتاپ وتكەندەي, Nur Otan پارتياسى, اسىرەسە قازىرگى پاندەميادان بولىپ وتىرعان جاھاندىق داعدارىس كەزىندە قازاقستان پرەزيدەنتى ءۇشىن باستى تىرەك بولۋى كەرەك.

جارعىعا سايكەس, Nur Otan پارتياسىنىڭ توراعاسىن سايلاۋ مەن ونى لاۋازىمىنان بوساتۋ تولىعىمەن پارتيا سەزىنىڭ قۇزىرەتىندە. وعان دەيىن نۇرسۇلتان نازارباەۆ پارتيا توراعاسىنىڭ قىزمەتىندە بولادى», دەلىنگەن ايدوس ۇكىبايدىڭ رەسمي مالىمدەمەسىندە.

سوڭعى جاڭالىقتار