نۇر-سۇلتان قالالىق پوليتسيا دەپارتامەنتىنىڭ مالىمەتىنشە, كۇدىكتى تۇرعىنداردىڭ ءىزىن الا پودەزدگە كىرىپ, پاتەرلەردىڭ ەسىگىن تارتىپ كورە باستاعان. ءسويتىپ, ق ۇلىپتانباعان پاتەرلەردىڭ بىرىنە كىرىپ, كىرە بەرىستە تۇرعان قۇنى 400 مىڭ تەڭگە بولاتىن «كسيومي» ماركالى ۇيالى تەلەفون مەن ريۋكزاكتى الىپ كەتكەن.
«كۇدىكتى ۋاقىتشا وقشاۋلاۋ ورنىنا قامالدى. ۇرلانعان تەلەفون تاركىلەنىپ, يەسىنە قايتارىلدى. اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر. كۇدىكتىنىڭ بۇعان دەيىن جاسالعان وسىنداي قىلمىستارعا قاتىسى تەكسەرىلۋدە», دەپ اتاپ وتەدى ۆەدومستۆودان.
سونىمەن قاتار پوليتسيا دەپارتامەنتى ەلوردا تۇرعىندارىنا ساق بولۋدى جانە قۇندى زاتتارىن قاراۋسىز قالدىرماۋدى ەسكەرتەدى.
