سپورت • 22 قاراشا، 2021

كاراتەدەن ءاچ: قازاقستاندىق سپورتشىلار 8 مەدال ەنشىلەدى

128 رەت كورسەتىلدى

بۇل تۋرالى ماڭعىستاۋ وبلىسىنىڭ كاراتە-دو كەكۋشينكاي فەدەراتسياسىنىڭ پرەزيدەنتى مۇحتار دجۋلداسوۆ مالىمدەدى، دەپ حابارلايدى Egemen.kz.

پولشانىڭ كراكوۆ قالاسىندا كەكۋشينكاي كاراتەدەن الەم چەمپيوناتى ءوتتى، وعان 32 ەل قاتىستى. قۇرامىندا ماڭعىستاۋلىق سپورتشىلار بار ەلىمىزدىڭ قۇراماسى سەگىز مەدال جەڭىپ الدى، ولاردىڭ التاۋىن كومانداعا ماڭعىستاۋلىق سپورتشىلار سالدى.

قازاقستان قۇراماسىنان نۇر-سۇلتان، تاراز قالالارى مەن اتىراۋ جانە ماڭعىستاۋ وبلىستارىنان 27 سپورتشى قاتىستى. جالپى الەم چەمپيوناتىنا 32 ەلدىڭ 684 سپورتشىسى باق سىنادى.

«چەمپيونات جوعارى تەحنيكالىق دەڭگەيدە ءوتتى. جەكپە-جەك وتە قيىن بولدى، كوپتەگەن ەلدەر تاراپىنان ۇلكەن قارسىلىق بولدى. مىقتى كوماندالار ەۋروپانىڭ بىرنەشە ەلىنەن، يراننان، ۋكراينادان جانە رەسەيدەن كەلدى»، دەپ جازادى فەدەراتسيا.

الەم چەمپيوناتىنىڭ قورىتىندىسى بويىنشا قازاقستان قۇراماسى سەگىز مەدالعا يە بولدى، ونىڭ ىشىندە ءۇش ءبىرىنشى ورىن، ەكى ەكىنشى جانە ءۇش ءۇشىنشى ورىن.

ءبىرىنشى ورىندارعا يە بولعاندار:

75 كگ جوعارى سالماق ساناتىندا جانە 14-15 جاس ساناتىندا ونەر كورسەتكەن اقتاۋ قالاسىنان ايان ماراتوۆ;

60 كگ سالماق ساناتىندا جانە 16-17 جاس ساناتىندا ونەر كورسەتكەن جاڭاوزەن قالاسىنان امانقان قىدىرجان;

75 كگ سالماق ساناتىندا جانە 18-21 جاس ساناتىندا باق سىناعان نۇر-سۇلتان قالاسىنان انتون زيمورەۆ;

65 كگ جوعارى سالماق ساناتىندا جانە 16-17 جاس ارالىعىندا ونەر كورسەتكەن اقتاۋدان كەلگەن ارۋجان ايشيەۆا;

65 كگ سالماق ساناتىندا جانە 14-15 جاس ارالىعىندا ونەر كورسەتكەن اقتاۋدان سۇلتان ساۋمباەۆ قازاقستانعا ەكىنشى ورىن اكەلدى.

چەمپيوناتتا ءۇشىنشى ورىندى ماڭعىستاۋلىق ەكى سپورتشى الدى:

60 كگ سالماق ساناتىندا جانە 14-15 جاس توبىندا ونەر كورسەتكەن گۇلناز ءىزتاناتوۆا;

75 كگ دەيىنگى سالماق ساناتىندا جانە «ەرلەر» جاس توبىندا ونەر كورسەتكەن بەرەكەت نۇرباەۆ.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

بۇگىنگى ۆاليۋتا باعامى

قارجى • بۇگىن، 10:17

ەلىمىزدە 9،5 ملن ادام ەكپە سالدىردى

كوروناۆيرۋس • بۇگىن، 09:49

ۇقساس جاڭالىقتار