كەزدەسۋ بارىسىندا زاڭسىز ەسىرتكى اينالىمىنا, ۇيىمداسقان قىلمىسقا, جەمقورلىققا, تەرروريزمگە, سونداي-اق كيبەر قىلمىسقا قارسى كۇرەس جونىندەگى ىنتىماقتاستىق ماسەلەلەرى تالقىلاندى.
قاسىم-جومارت توقاەۆ بۇۇ-نىڭ حالىقارالىق ىستەردەگى نەگىزگى ءرولىن اتاپ ءوتىپ, قازاقستاننىڭ دۇنيەجۇزىلىك ۇيىممەن ورنىقتى دامۋ, قاۋىپسىزدىك پەن تۇراقتىلىقتى قامتاماسىز ەتۋ سالالارى بويىنشا تىعىز ءىس-قيمىلداردى جالعاستىرۋعا مۇددەلى ەكەنىن ناقتىلادى. مەملەكەت باسشىسى بۇۇ-نىڭ ەسىرتكى جانە قىلمىس جونىندەگى باسقارماسىنىڭ ايماقتاعى, اسىرەسە اۋعانستانداعى قازىرگى احۋالعا قاتىستى جۇرگىزىپ وتىرعان بەلسەندى قىزمەتىنە قولداۋ ءبىلدىردى.
قازاقستان پرەزيدەنتى بۇۇ ەسىرتكى جانە قىلمىس جونىندەگى باسقارماسىنىڭ ورتالىق ازيا ءۇشىن 2022-2025 جىلدارعا ارنالعان جاڭا باعدارلاماسىنىڭ قابىلدانۋىن قۇپتادى. اتالعان باعدارلاما تابىستى ىنتىماقتاستىقتى ودان ءارى جالعاستىرۋدىڭ بەرىك نەگىزىن قالايدى.
گادا ۆالي ەلىمىزدە جۇرگىزىلىپ جاتقان, ونىڭ ىشىندە قۇقىق قورعاۋ جۇيەسىن جاڭعىرتۋعا باعىتتالعان رەفورمالاردى جوعارى باعالادى. سونداي-اق, اۋعانستاننان بۇۇ قىزمەتكەرلەرىن ەۆاكۋاتسيالاۋعا جانە ولاردى الماتى قالاسىندا ورنالاستىرۋعا كومەك كورسەتكەنى ءۇشىن ەلىمىزگە العىس ءبىلدىردى.
