قارجى پيراميدالارى قوماقتى سومانى سالۋدى تالاپ ەتىپ, قىسقا ۋاقىت ىشىندە قايتارۋعا كەپىلدىك بەرەدى.
بۇدان باسقا, قر قارجى نارىعىن رەتتەۋ جانە دامىتۋ اگەنتتىگىنىڭ ازاماتتاردان اقشا تارتۋعا ليتسەنزياسىنىڭ بولماۋى قارجى پيراميداسىنىڭ ماڭىزدى بەلگىسى بولىپ تابىلادى.
«قارجىلىق مونيتورينگ اگەنتتىگىنىڭ اقمولا وبلىسى بويىنشا اۋماقتىق دەپارتامەنتىنىڭ قىزمەتكەرلەرى «River Coins Limited» كومپانياسىنا قاتىستى 2020 جىلدىڭ شىلدەسىنەن 2021 جىلدىڭ مامىرىنا دەيىن اقشانى زاڭسىز تارتۋ دەرەگى بويىنشا سوتقا دەيىنگى تەرگەۋ-تەكسەرۋدى باستادى. تەرگەۋ كومپانيادا سپيرال قاعيداتى بويىنشا تولەمدەر جۇيەسى بار ەكەنىن انىقتادى. ءبىرىنشى دەڭگەيدەگى سالىمشىلار جاڭا سالىمشىلاردان تۇسەتىن جارنالاردى قايتا ءبولۋ ەسەبىنەن سىياقى الىپ وتىرعان. «River Coins Limited» كومپانياسى قر اۋماعىندا كاسىپكەرلىك قىزمەت سۋبەكتىسى رەتىندە تىركەلمەگەن, بانك وپەراتسيالارىن جاساۋعا – قاراجات تارتۋعا جانە سىياقى تولەۋگە ليتسەنزيالارى مەن رۇقساتتارى جوق», دەپ جازادى اگەنتتىكتىڭ ءباسپاسوز قىزمەتى.
قازىرگى ۋاقىتتا اتالعان دەرەك بويىنشا تەرگەۋ امالدارى جۇرگىزىلۋدە.
