«بۇقارالىق اقپارات قۇرالدارىندا جانە باسقا دا دەرەككوزدەردە «قايرات» فك باس باپكەرى قۇربان بەردىەۆتىڭ جالاقىسى تۋرالى حابارلاما پايدا بولدى.
«قايرات» فۋتبول كلۋبى بۇل اقپاراتتىڭ شىندىققا جاناسپايتىنىن رەسمي تۇردە مالىمدەيدى, سونداي-اق ەڭبەك شارتى تالاپتارىنىڭ قۇپيالىلىعىنا بايلانىستى ماماننىڭ ناقتى جالاقىسىن جاريالاۋ دۇرىس ەمەس دەپ سانايدى.
جانكۇيەرلەر مەن باق وكىلدەرىن رەسمي اقپاراتقا نازار اۋدارىپ, الماتى كلۋبىنىڭ يميدجىنە زيان كەلتىرەتىن حابارلامالاردان الىس بولۋلارىن سۇرايمىز», دەلىنگەن رەسمي حابارلامادا.
ايتا كەتەيىك, باق بەتتەرىندە «قايرات» باس باپكەرىنە جىلىنا 600 مىڭ دوللار تولەيتىنى, بۇل قازاقستانداعى جاتتىقتىرۋشىلار اراسىنداعى ەڭ جوعارى جالاقى ەكەنى حابارلانعان بولاتىن.
