«ۇكىمەتتىڭ 2019 جىلعى 20 قاڭتارداعى №27 قاۋلىسىمەن بەكىتىلگەن جاستار جىلىن وتكىزۋدىڭ جول كارتاسى اياسىندا نۇر-سۇلتان, الماتى, شىمكەنت قالالارىندا جاس ماماندار ءۇشىن ءۇش مىڭعا جۋىق جالدامالى پاتەر سالۋ كوزدەلگەن. ەكى جىل ىشىندە وسى قالالاردا جۇمىس ىستەيتىن جاستارعا 4 354 پاتەر بەرىلدى. بيىل تاعى ءۇش مىڭعا جۋىق پاتەر بەرىلەدى. اقپارات جانە قوعامدىق دامۋ مينيسترلىگىنىڭ بۇيرىعىمەن جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا تۇرعىن ءۇي بەرۋ قاعيدالارى بەكىتىلدى. ولارعا سايكەس, جاس ازاماتتار تۇراقتى جۇمىس ورنى بولۋى جانە مەنشىگىندە جىلجىمايتىن مۇلكى بولماۋى ءتيىس», دەلىنگەن ۆيتسە-پرەمەردىڭ جاۋابىندا.
ساتىپ الۋ قۇقىعىنسىز جالعا بەرىلەتىن تۇرعىن ءۇي بەس جىلعا بەرىلەدى.
جوبانىڭ نەگىزگى ماقساتى - جاستار تۇرعىن ءۇي ساتىپ الۋعا باستاپقى جارنانى جيناۋ ءۇشىن جاعداي جاساۋ.
«جالعا بەرىلەتىن تۇرعىن ءۇي العان ازامات بەس جىل ىشىندە يپوتەكا بويىنشا تۇرعىن ءۇي ساتىپ الۋ ءۇشىن باستاپقى جارنا سوماسىن جيناۋى ءتيىس. بۇل ءۇشىن كىرىستەر كەمىندە 40 ايلىق ەسەپتىك كورسەتكىش (116 680 تەڭگە) بولۋى ءتيىس دەپ كوزدەلگەن. بۇل شەك 25 اەك-كە (72 925 تەڭگە) دەيىن تومەندەگەن كەزدە ساتىپ الۋشى باستاپقى جارنا ءۇشىن قاجەتتى سومانى جيناي المايتىن تاۋەكەل تۋىنداۋى مۇمكىن», دەپ حابارلادى ە.توعجانوۆ.
