مۇگەدەكتەرگە قامقورلىق كۇشەيتىلەدى

بيىلعى جولداۋدا مۇمكىندىگى شەكتەۋلى ازاماتتار ءۇشىن قازاقستان كەدەرگىسىز ايماققا اينالۋ تيىستىلىگى اتاپ كورسەتىلگەنى بەلگىلى. وسى ساناتتاعى جانداردى بەلسەندى ومىرگە تارتۋ, ولاردىڭ وزدەرىن قوعامنىڭ پايدالى مۇشەسى رەتىندە سەزىنۋ كوزقاراسىن قالىپتاستىرۋ جونىندەگى ەلباسىنىڭ تاپسىرمالارى «نۇر وتان» پارتياسى وبلىستىق فيليالىندا وتكەن جيىننىڭ باستى ارقاۋىنا اينالدى. ايماق باسشىسى, فيليال توراعاسى سامات ەسكەندىروۆ كىرىس­پە سوزىندە «كەدەرگىسىز بولاشاق» جو­باسى ءتورت باعىت بويىنشا جۇزەگە اسىرىلاتىنىن اتاپ كور­سەتىپ, قوعام الدىنداعى پارىزدى بەلسەندىلىكپەن وتەۋگە شاقىردى. جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسقار ساقىپكەرەەۆ تاعدىردىڭ تالكەگىنە ۇشىراعان جانداردى تۇراقتى جۇمىسقا ورنالاستىرۋ شارالارى جونىندە باياندادى. بۇگىندە وبلىستا تىركەۋگە الىنعان مۇگەدەكتەردىڭ سانى 29 مىڭعا جۋىق بولسا, 5 مىڭنان استامى جۇمىسقا جارامدى. بۇلاردىڭ 40 پايىزدايى جۇمىسقا تارتىلعان. بىلتىر ولاردى وڭالتۋ ماقساتتارىنا 243 ميلليون تەڭگە جۇمسالىپتى. بيىل 69 جارىمجان ادام ەڭبەككە ارالاسۋ مۇمكىندىگىنە يە بولعان. «الەۋمەتتىك تاكسي» قىزمەتى ۇلكەن سۇرانىسقا يە. ءبىلىم باسقارماسىنىڭ جەتەكشىسى شولپان كارينوۆا مەكتەپ جاسىنداعى مۇگەدەك بالالار جايىن اڭگىمەلەدى. ولاردىڭ سانى – 2053. 7 وڭالتۋ مەكتەپ-ينتەرناتىندا 59 لوگوپەد جۇمىس ىستەيدى. سامات ساپاربەك ۇلى ءتيىستى ورىن­دارعا بۇل باعىتتاعى جۇمىس­تاردى كۇشەيتۋدى, نۇرواتاندىقتار تاراپىنان تۇراقتى جۇمىسپەن قامتاماسىز ەتۋ جايىنا ەرەكشە نازار اۋدارۋدى تاپسىردى. بىرىڭعاي قابىلداۋ كۇنى ەنگى­زىل­گەلى 107 مۇگەدەك جاننىڭ ءوتى­نىش-تىلەكتەرى قارالىپ, 48 ادام جۇ­مىسقا ورنالاستىرىلعان. الاي­دا, جۇرگىزىلگەن تەكسەرىستەر قورى­تىندىسى پروبلەمالاردىڭ كوپتىگىن اڭعارتادى. ماسەلەن, 2,5 مىڭ نىساننىڭ ۇشتەن ءبىرى مۇگە­دەكتەر ءۇشىن قولجەتىمسىز ەكەنى, جە­كەمەنشىك يەلەرى پاندۋس ورنا­تۋعا ق ۇلىق تانىتپايتىنى انىق­تالعان. باسقوسۋدا بۇل باعىتتاعى جەر­گىلىكتى مەملەكەتتىك ورگانداردىڭ جۇمىسىن ءوزارا ۇيلەستىرۋدىڭ, ونىڭ ىشىندە بيزنەس پەن قوعامنىڭ جاۋاپكەرشىلىگىن ارتتىرۋدىڭ ماڭىزى اتاپ كورسەتىلدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.