ۇكىمەت • 19 قاراشا، 2021

Nur Otan ساياسي كەڭەسىنىڭ بيۋروسى دەپۋتاتتار رەيتينگىنىڭ ەرەجەسىن بەكىتتى

176 رەت كورسەتىلدى

«Nur Otan» كەلەسى جىلدىڭ اقپان ايىنان باستاپ دەپۋتاتتاردىڭ جاريا رەيتينگىن ىسكە قوسادى. بۇل تۋرالى ءوزىنىڭ Facebook پاراقشاسىندا پارتيا توراعاسىنىڭ ءبىرىنشى ورىنباسارى باۋىرجان بايبەك حابارلادى، دەپ جازادى Egemen.kz.

ونىڭ ايتۋىنشا، ەلباسى، پارتيا توراعاسى نۇرسۇلتان نازارباەۆتىڭ تاپسىرماسىمەن قىركۇيەكتەن باستاپ بارلىق دەڭگەيدەگى ماسليحاتتارداعى «Nur Otan» فراكتسياسىنىڭ دەپۋتاتتارىن كەشەندى تۇردە باعالاۋ بويىنشا ەلەكتروندى پلاتفورما العاش رەت پيلوتتىق رەجيمدە ىسكە قوسىلدى.
بۇعان دەيىن ۇلكەن دايىندىق جۇمىسى جۇرگىزىلگەن: دەپۋتاتتار رەيتينگىسىن قالىپتاستىرۋ ەرەجەسى ازىرلەنىپ، ول ساياسي كەڭەس بيۋروسىنىڭ شەشىمىمەن بەكىتىلدى، اقپاراتتىق جۇيە جاسالدى، دەرەكتەر بازاسى تسيرفلاندىرىلىپ، ماسەلە جان-جاقتى تالدانعان.


رەيتينگتى ەندىرۋ بيلەۋشى پارتيادان سايلانعان دەپۋتاتتاردىڭ قىزمەتىن جانداندىرۋعا، حالىقپەن كەرى بايلانىستى كۇشەيتۋگە جانە جەرگىلىكتى جەرلەردە سايلاۋالدى ۋادەلەردىڭ ىسكە اسىرىلۋ تيىمدىلىگىن ارتتىرۋعا جۇيەلى سەرپىن بەرگەنىن ايتقان باۋىرجان بايبەك، 217 سايلاۋالدى باعدارلاماعا قوعامدىق-پارتيالىق مونيتورينگ جۇرگىزۋگە 2،7 مىڭ دەپۋتات دەربەس جاۋاپ بەرەتىنىن ەسكە سالدى.


«ەلباسى، پارتيا ليدەرى ن.ءا. نازارباەۆ اتاپ وتكەندەي، «بۇگىندە قوعامنىڭ دەپۋتاتتارعا قوياتىن تالابى ەرەكشە: ولار ازاماتتاردىڭ مۇددەسى مەن ەركىن قورعاپ، قوعام مەن مەملەكەت اراسىنداعى «كوپىر» بولۋى ءتيىس». سوندىقتان ايماقتارعا ساپار اياسىندا وڭىرلىك سايلاۋالدى باعدارلامالاردىڭ ورىندالۋ جانە رەيتينگ جۇيەسىن ەندىرۋ بارىسىن تالقىلاۋ ءۇشىن «Nur Otan» دەپۋتاتتارىمەن توپتىق جينالىستار وتكىزدىم. وڭىرلەردەن تۇسكەن ۇسىنىستاردى ەسكەرە وتىرىپ، رەيتينگتى جەتىلدىرۋ بويىنشا وزگەرىستەر پاكەتى ازىرلەندى. بۇگىن «Nur Otan»-نىڭ ساياسي كەڭەسى بيۋروسىنىڭ شەشىمىمەن پىسىقتالعان ەرەجە بەكىتىلدى»،  دەدى ول.


پارتيا توراعاسىنىڭ ءبىرىنشى ورىنباسارى اتاپ وتكەندەي، ەندى رەيتينگ «Nur Otan» دەپۋتاتتارىن، ماسليحاتتارداعى حاتشىلار مەن فراكتسيالار باسشىلارىن قىزمەتىنىڭ ايقىندىعى مەن ەسەپتىلىگىنە باعىتتالعان مەديا بەلسەندىلىككە جانە جۇمىستىڭ تۇپكىلىكتى ناتيجەلەرىنە باعدارلايدى
«كەلەسى جىلدىڭ اقپان ايىنان باستاپ نۇروتاندىق دەپۋتاتتاردىڭ رەيتينگىسى جاريا فورماتتا جۇرگىزىلەدى. كەز كەلگەن ادام قالاۋىنشا ناقتى ۋاقىت رەجيمىندە حالىق قالاۋلىلارىنىڭ جۇمىسىمەن تانىسىپ، وزەكتى ماسەلەلەردى شەشۋ ءۇشىن سۇراقتار قويىپ، جاۋاپ الا الادى.


بۇل قادام مەملەكەت باسشىسى ق.ك. توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ناقتى ىسكە اسىرۋعا جانە مەملەكەتتىك جۇيەنىڭ ارى قارايعى اشىقتىعى مەن جاريالىلىعى باعدارىنا جول اشاتىن بولادى»، دەپ تۇيىندەدى باۋىرجان بايبەك.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار