ءباسپاسوز كونفەرەنتسياسى بارىسىندا سپيكەرلەر «پاندەميادان كەيىنگى جاڭا الەم» تاقىرىبىنا ارنالعان ءۇش كۇنگە سوزىلعان «استانا كلۋبىنىڭ» وتىرىسى جونىندە كەڭىنەن اڭگىمەلەدى ءارى الەمدىك ەكونوميكا جانە ساياسات ينستيتۋت (اەسي) جانە نۇرسۇلتان نازارباەۆ قورى ۇيىمداستىرعان اۋقىمدى ءىس-شارا ءوز دەڭگەيىندە ۇيىمداستىرىلعانىن جەتكىزدى.
اەسي ديرەكتورى ەرجان سالتىباەۆتىڭ ايتۋىنشا, ءۇش كۇندىك ءىس-شاراعا 50-دەن استام بەدەلدى الەمدىك سپيكەر, سونىڭ ىشىندە مەملەكەتتەر جانە ۇكىمەتتەردىڭ بۇرىنعى باسشىلارى, حالىقارالىق ۇيىمدار مەن ورتالىقتاردىڭ جەتەكشىلەرى, سونداي-اق ءىرى حالىقارالىق باق وكىلدەرى قاتىستى. كلۋب وتىرىسى ارالاس فورماتتا – ونلاين جانە وفلاين ءوتتى. «استانا كلۋبىنىڭ» كەيبىر سەسسيالارى ءداستۇر بويىنشا Chatham house ەرەجەسىنە سايكەس, ياعني جابىق فورماتتا ءوتتى.
بريفينگتە ايتىلعانداي, ءبىر جىل ۇزىلىستەن كەيىن وتكىزىلگەن وتىرىس باعدارلاماسىندا 13 كەزدەسۋ بولدى. تاقىرىپتار بويىنشا جاھاندىق ەكونوميكا, گەوساياسات جانە حالىقارالىق قاتىناستار, كليماتتىڭ وزگەرۋى جانە يادرولىق قاۋىپسىزدىك ماسەلەلەرى قوزعالدى. اتاپ ايتقاندا, جيىندا «كوروناۆيرۋس پاندەمياسى: قاۋىپ جاعدايىندا قالپىنا كەلۋ, Covid-19 جاڭا مۋتاتسيالارى مەن بولىنگەن الەم ءۇشىن سالدارلارى», «ۇلتتىق مۇددەلەر ءداۋىرى: ۇجىمدىق قاۋىپسىزدىك جۇيەسىنىڭ رەكونفيگۋراتسياسى», «جاسىل ترانسفورماتسيا جانە جاڭا كليماتتىق كۇن ءتارتىبىنىڭ دامۋشى ەلدەرگە تيگىزەتىن اسەرى», «الەمدىك ەكونوميكاداعى تەڭسىزدىكتەر: دامۋشى ەلدەر الدىنداعى سىن قاتەرلەر, « ۇلى ءبولىنىس: جاھاندانۋدىڭ جاڭا ارحيتەكتۋراسى قانداي بولادى؟», «اقش-قىتاي تەكەتىرەسى: الەم ەكونوميكاسى مەن گەوساياساتىنا اسەرلەرى», «باتىس vs رەسەي: ەۋرازيالىق ەكونوميكالىق وداق ءۇشىن سالدارلارى», «اۋعانستان بولاشاعى جانە ونىڭ ورتالىق ازيا ايماعىنا اسەرلەرى», «يران مەن تاياۋ شىعىس: يادرولىق مامىلە جانە ايماق پەرسپەكتيۆاسى», «جاڭا الەمدىك ءتارتىپ نەمەسە تەحنولوگيالىق ۇستەمدىك ءۇشىن تالاس» تاقىرىپتارى اڭگىمە ارقاۋى بولدى.
سونداي-اق «استانا كلۋبى» الاڭىندا تاۋەلسىزدىكتىڭ 30 جىلدىعىنا ورايلاستىرىلعان «تاۋەلسىزدىكتىڭ 30 جىلدىعى: نازارباەۆ ستراتەگياسى جانە قازاقستان مەن ورتالىق ازيانىڭ بولاشاعى» تاقىرىبىنداعى تالقىلاۋدا ەل دامۋىنىڭ تاجىريبەسىنە, سونداي-اق ىشكى جانە سىرتقى ساياساتىن قالىپتاستىرۋداعى تۇڭعىش پرەزيدەنتتىڭ رولىنە كەشەندى باعا بەرىلدى.
يادرولىق قاۋىپسىزدىك ءۇشىن جاھاندىق كوشباسشىلار اليانسىنىڭ كەزدەسۋى اياسىندا يادرولىق قاۋىپسىزدىك ماسەلەسىنە ەرەكشە نازار اۋدارىلدى. ء«تۇن ورتاسى اياق باستى: يادرولىق ديالوگ ۋاقىتى» سەسسياسى بارىسىندا سپيكەرلەر جاھاندىق ستراتەگيالىق تۇراقتىلىق سالاسىنداعى داعدارىس جاعدايى جانە اليانس جۇمىسىنىڭ الداعى باعىتتارىن تالقىلادى.
كوشباسشىلاردىڭ جاھاندىق اليانسى قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن 2019 جىلى «استانا كلۋبىنىڭ» بەسىنشى وتىرىسىنىڭ قورىتىندىسى بويىنشا قۇرىلدى.
«استانا كلۋبىنىڭ» جۇمىسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ قاتىسۋىمەن وتكەن «ۇلكەن ەۋرازيا: بولاشاق الەم كورىنىسى» پلەنارلىق وتىرىسىمەن اياقتالدى.
