مەكتەپ وقۋشىلارى اراسىنداعى پرەزيدەنتتىك وليمپيادا 15-18 قاراشا ارالىعىندا جاراتىلىستانۋ-ماتەماتيكالىق تسيكل پاندەرى بويىنشا ءوتتى. وليمپيادا قورىتىندىسى بويىنشا 48 وقۋشى جەڭىمپاز جانە جۇلدەگەر اتاندى. قر بعم I دارەجەلى ديپلوممەن 11 وقۋشى, II دارەجەلى ديپلوممەن 15 وقۋشى جانە III دارەجەلى ديپلوممەن 22 وقۋشى ماراپاتتالدى.
ء«بىلىم جانە عىلىم مينيسترلىگى مەملەكەت باسشىسىنىڭ تاپسىرماسى بويىنشا دارىندى بالالاردى قولداۋ بويىنشا شارالار قابىلداۋدا. بيىل 20 قازاقستاندىق جوو رەكتورلارى پرەزيدەنتتىك وليمپيادانىڭ جەڭىمپازدارى مەن جۇلدەگەرلەرىن قولداۋعا شەشىم قابىلداپ, ولارعا ارنايى گرانتتار ءبولدى. بۇل وليمپيادانى وتكىزۋ كەزىندە دارىندى بالالاردى ماراپاتتاۋدىڭ بۇرىن-سوڭدى بولماعان شاراسى. مۇنداي قولداۋ دارىندى بالالاردىڭ الەۋەتىن ىسكە اسىرۋعا جانە ەلىمىزدىڭ ادامي كاپيتالىن دامىتۋعا قوماقتى ۇلەس قوسۋعا مۇمكىندىك بەرەدى. وقۋشىلار قر بعم ديپلومدارىن, مەدالدار مەن قازاقستاندىق جوعارى وقۋ ورىندارىندا ءبىلىم الۋ سەرتيفيكاتتارىن الدى. ءبىزدىڭ وقۋشىلارىمىزدىڭ ناتيجەلەرى ەل ىشىندەگى وليمپيادالاردا دا, ءتۇرلى حالىقارالىق وليمپيادالاردا دا جاقسارىپ كەلە جاتقانىن اتاپ وتكەن ءجون», دەپ اتاپ ءوتتى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.
ەسكە سالا كەتسەك, ءحىV پرەزيدەنتتىك وليمپيادانىڭ رەسپۋبليكالىق كەزەڭى ە.ا. بوكەتوۆ اتىنداعى قاراعاندى ۋنيۆەرسيتەتىنىڭ بازاسىندا ءوتتى. زياتكەرلىك بايقاۋعا ەلىمىزدىڭ بارلىق وڭىرلەرىنەن وڭىرلىك جانە ىرىكتەۋ تۋرلارىنىڭ ناتيجەسىندە ىرىكتەلگەن 182 وقۋشى قاتىستى. وقۋشىلارعا ماتەماتيكا, فيزيكا, حيميا جانە بيولوگيا پاندەرى بويىنشا تاپسىرمالار بەرىلدى. پرەزيدەنتتىك وليمپياداعا قاتىسۋشىلاردىڭ جۇمىسىن قازاقستاننىڭ جەتەكشى جوعارى وقۋ ورىندارىنىڭ حالىقارالىق وليمپيادالارىنىڭ جەڭىمپازدارى مەن جۇلدەگەرلەرى جانە PhD باعالادى. بارىنشا اشىقتىقتى قامتاماسىز ەتۋ ءۇشىن كونكۋرس ونلاين تۇردە كورسەتىلدى.
پرەزيدەنتتىك وليمپيادانىڭ جەڭىمپازدارى مەن جۇلدەگەرلەرىنە گرانتتار بەرگەن 20 جوو ءتىزىمى:
- ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى,
- س. امانجولوۆ اتىنداعى شىعىس قازاقستان ۋنيۆەرسيتەتى,
- Satbayev ۋنيۆەرسيتەتى,
- س. وتەباەۆ اتىنداعى اتىراۋ مۇناي جانە گاز ۋنيۆەرسيتەتى,
- م. اۋەزوۆ اتىنداعى وڭتۇستىك قازاقستان ۋنيۆەرسيتەتى,
- ح. دوسمۇحامەدوۆ اتىنداعى اتىراۋ ۋنيۆەرسيتەتى,
- رۋدنىي يندۋستريالدىق ينستيتۋتى
- قورقىت اتا اتىنداعى قىزىلوردا مەملەكەتتىك ۋنيۆەرسيتەتى
- ق. جۇبانوۆ اتىنداعى اقتوبە وڭىرلىك ۋنيۆەرسيتەتى,
- پاۆلودار پەداگوگيكالىق ۋنيۆەرسيتەتى,
- ى. التىنسارين اتىنداعى ارقالىق پەداگوگيكالىق ينستيتۋتى,
- NARXOZ ۋنيۆەرسيتەتى,
- قازاقستان-بريتان تەحنيكالىق ۋنيۆەرسيتەتى,
- م.س. نارىكباەۆ اتىنداعى كازگيۋ ۋنيۆەرسيتەتى,
- الماتى مەنەدجمەنت ۋنيۆەرسيتەتى,
- وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتى,
- ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى,
- م. دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتى,
- كاسپي قوعامدىق ۋنيۆەرسيتەتى,
- قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى.
