«مەن جوعارىدا ايتقانىمداي, بۇل – اسا ماڭىزدى مىندەت. ءبىز وسى ايماقتا ەرەكشە مارتەبەگە يە ەكەنىمىزدى باتىل مالىمدەي بىلۋگە ءتيىسپىز. بۇعان تولىق نەگىز بار», دەدى پرەزيدەنت قازاقستاننىڭ ورتالىق ازياداعى كوشباسشىلىق ورنىن نىعايتۋ تاقىرىبىنا توقتالا كەتىپ.
مەملەكەت باسشىسى ەكونوميكامىز ورتا ازياداعى باسقا ەلدەردىڭ ەكونوميكاسىنا قاراعاندا الدەقايدا قۋاتتى ەكەنىن, ءبىز ەۋرازياداعى باستى كولىك دالىزدەرى توعىسقان گەوستراتەگيالىق ورتالىقتا تۇرعانىمىزدى, اۋقىمدى ەكونوميكالىق جانە دەموكراتيالىق رەفورمالار بەلسەندى تۇردە جۇزەگە اسىرىلىپ جاتقانىن, زياتكەرلىك جانە ادامي رەسۋرسىمىز بار ەكەنىن, حالىقارالىق قاۋىمداستىقتىڭ الدىنداعى ابىروي-بەدەلىمىز جوعارى ەكەنىنە نازار اۋدارىپ ايتتى.
«وسىعان وراي, ورتالىق ازيانىڭ تاعدىرى ءۇشىن قازاقستانعا ەرەكشە جاۋاپكەرشىلىك جۇكتەلەدى. وڭىردەگى وزەكتى ماسەلەلەردى ايقىنداپ, ونى شەشۋ كەزىندە ەلىمىز ماڭىزدى ءرول اتقارادى. «سۋ ديپلوماتياسى» بويىنشا كەلىسسوزدى تەزىرەك اياقتاۋ قازاقستان مەن ورتالىق ازيا ەلدەرىنىڭ جانە رەسەي مەن قىتايدىڭ ورتاق مۇددەسىنە ساي كەلەدى دەپ سانايمىن. ترانسشەكارالىق سۋ رەسۋرستارىن ءادىل جانە ءتيىمدى پايدالانۋ ايماقتا ازىق-ت ۇلىك قاۋىپسىزدىگىن قامتاماسىز ەتۋدىڭ باستى كەپىلى بولماق», دەدى قاسىم-جومارت توقاەۆ.
