الەم • 18 قاراشا, 2021

پرەزيدەنت ولىمىنە قاتىسى بولۋى مۇمكىن كۇدىكتى كوز جۇمدى

244 رەت
كورسەتىلدى
1 مين
وقۋ ءۇشىن

گايتي پرەزيدەنتى جوۆەنەل مويزانىڭ ولىمىنە قاتىسى بار دەپ ايىپتالعان كۇدىكتىلەردىڭ ءبىرى COVID-19 سالدارىنان قايتىس بولدى, دەپ حابارلايدى Egemen.kz.

پرەزيدەنت ولىمىنە قاتىسى بولۋى مۇمكىن كۇدىكتى كوز جۇمدى

دەرەكتەرگە سەنسەك, كۇدىكتى گيلبەر دراگون جاعدايىنىڭ ناشارلاعانىن سەزگەن كەزدە قاماۋدا بولعان. ول تىنىس الۋ جولدارى قيىندىقتارىنىڭ بەلگىلەرىمەن اۋرۋحاناعا جەتكىزىلگەن. ارادا از ۋاقىت وتكەندە دراگون كوروناۆيرۋس دەرتىنەن قايتىس بولدى.

جەرگىلىكتى پوليتسيا وكىلى پەر رەنە فرانسۋا ۇستالعان ادامنىڭ قايتىس بولعانىن راستادى. ءتارتىپ ساقشىلارى كۇدىكتىدەن بىرنەشە تاپانشا, گراناتالار, جارتىلاي اۆتوماتتى AR-15 مىلتىعى مەن وق-دارىلەر, سونداي-اق قىلىش تاپقان ەدى.

بۇعان دەيىن گايتي پرەزيدەنتىنىڭ ولىمىنە قاتىسى بار كۇدىكتىلەردىڭ ءبىرى, كاسىپكەر سامير حاندال تۇركيادا ۇستالعان.

گايتي پرەزيدەنتى جوۆەنەل مويزا 7 شىلدەگە قاراعان ءتۇنى ونىڭ رەزيدەنتسياسىنا شابۋىل جاسالعان كەزدە اۋىر جاراقات الىپ, سالدارىنان كوز جۇمعان. ونىڭ ايەلى دە جاراقات الىپ, امەريكانىڭ مايامي قالاسىنداعى اۋرۋحانادا ەمدەلدى.

سوڭعى جاڭالىقتار