ء«بىز ەلوردامىزدا قوناقتاردى قابىلداۋعا دايىنبىز. ەلوردامىز كۇن ساناپ كوركەيىپ جاتىر. بيىل قازاقستان تاۋەلسىزدىكتىڭ 30 جىلدىعىن مەرەكەلەيدى. قازاقستانداعى ەڭ بيىك عيمارات «Qazaqstan» مۇناراسىنىڭ اشىلۋىن اتاپ وتەمىز. بۇل ورتالىق ازياداعى ەڭ بيىك عيمارات. ارينە, دۋبايداعى مۇنارامەن سالىستىرۋعا كەلمەيدى. بۇل عيماراتتىڭ ۇزىندىعى 320 مەترگە تەڭ. تاۋەلسىزدىكتىڭ 30 جىلدىعىندا وسى عيماراتتى اشامىز», دەدى ەلباسى.
نازارباەۆ تاعى ءبىر عيماراتتىڭ اشىلۋى 30 جىلدىققا ارنالاتىنىن ايتتى.
«وتە ۇلكەن مەشىت اشىلادى. ونداي عيمارات تا ءبىزدىڭ اينالامىزداعى كەڭىستىكتە جوق. وسىلايشا, مەرەيتويىمىزدى ايتۋلى شارالارمەن اتاپ وتەمىز. ەڭ باستىسى بۇل قالانى حالىق ءۇشىن ىڭعايلى, ادەمى, جاسىل قىلدىرعىمىز كەلەدى. ءبىزدىڭ ارتىقشىلىقتارىمىز جەتەرلىك. جازدا وتە ىستىق, قىستا قاتتى سۋىق. ءبىز وعان ۇيرەنىپ تە قالدىق. الەم ءبىر-ءبىرىن شىنىقتىرعان سياقتى. تابيعات پەن اۋا رايى ءبىزدى مىقتى ەتەدى. دەنساۋلىقتارىڭىز مىقتى بولسىن», دەدى نۇرسۇلتان نازارباەۆ.
