جقجك جوبالارى 4 نەگىزگى باعىتقا بولىنگەن:
- حالىقتىڭ ءومىر ءسۇرۋ ساپاسىن ارتتىرۋ;
- شوب ءۇشىن قارجىلاندىرۋدىڭ قولجەتىمدىلىگىن ارتتىرۋ;
- اگروونەركاسىپتىك كەشەندى دامىتۋ;
- وڭىرلەردە بيزنەستى دامىتۋ.
قازىرگى ۋاقىتتا جقجك اياسىندا 228 ينفراقۇرىلىمدىق جوبا بويىنشا قۇرىلىس جۇمىستارى جۇرگىزىلۋدە, تاعى 13-ءى ىسكە اسىرۋدىڭ باستاپقى كەزەڭىندە تۇر. جوبالار بويىنشا وڭىرلەر 349 مونيتورينگتىك تەكسەرۋدى جۇزەگە اسىردى. بۇل رەتتە قوستاناي وبلىسىندا 2 جوبا جانە نۇر-سۇلتان قالاسىندا 1 جوبا اياقتالدى, ولاردا 228 تۇراقتى جۇمىس ورنى قۇرىلدى.
سونىمەن قاتار, جقجك ەكىنشى باعىتى اياسىندا ءوز ءىسىن اشۋ نەمەسە دامىتۋ ءۇشىن جالپى سوماسى 1 ملرد تەڭگەدەن استام 170 شاعىن نەسيە بەرىلدى. اگروونەركاسىپتىك كەشەندى دامىتۋ اياسىندا ۆاك-تىڭ كەزەكتى وتىرىسىندا جالپى سوماسى 100 ملرد تەڭگە بولاتىن 40 ينۆەستيتسيالىق جوبانىڭ تىزبەسى بەكىتىلدى.
ەسكە سالا كەتسەك, جقجك اياسىندا 2021 جىلى بارلىق باعىتتار بويىنشا شامامەن 42,5 مىڭ جۇمىس ورنى قۇرىلادى, ونىڭ 28,8 مىڭنان استامى تۇراقتى جۇمىس ورىندارى بولادى. جۇمىس ىزدەپ جۇرگەن قازاقستاندىقتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا (حجقو) جۇگىنۋ جولىمەن جقجك شەڭبەرىندە ينفراقۇرىلىمدىق جوبالاردى ىسكە اسىرۋعا قاتىسا الادى. حالىقتى جۇمىسپەن قامتۋ ورتالىقتارى جۇمىسپەن قامتۋ ورگاندارىندا جۇمىس ىزدەپ جۇرگەن ادامدار, جۇمىسسىزدار, سونداي-اق جۇمىستان بوساتىلاتىن ادامدار, جالاقىسى ساقتالمايتىن دەمالىستا جۇرگەن ادامدار, ۋاقىتشا تىركەلگەن ادامداردى قوسا العاندا, ستۋدەنتتەر رەتىندە تىركەلگەندەر قاتارىنان قاجەتتى بىلىكتىلىگى بار مامانداردى ىرىكتەۋدى جۇزەگە اسىرادى جانە ينفراقۇرىلىمدىق جوبانى ىسكە اسىراتىن جۇمىس بەرۋشى-مەردىگەرگە جىبەرەدى.
حجقو ارقىلى ينفراقۇرىلىمدىق جوبالارعا جۇمىسقا ورنالاسۋ كەزىندە جۇمىسسىز جاستارعا, NEET ساناتىنداعى جاستارعا, سونداي-اق دەنساۋلىعىنا زيان كەلتىرمەيتىن جانە وقۋ پروتسەسىن بۇزبايتىن جۇمىستاردا ستۋدەنتتەرگە باسىمدىق بەرىلەدى. حجقو قاجەت بولعان جاعدايدا ينفراقۇرىلىمدىق جوباعا جۇمىسقا ورنالاسۋ كەپىلدىگىمەن ءتيىستى جۇمىستاردى ورىنداۋ ءۇشىن جۇمىس بەرۋشى-مەردىگەردىڭ/قوسالقى مەردىگەردىڭ وتىنىمدەرى بويىنشا كادرلاردى قايتا دايارلاۋدى قامتاماسىز ەتەدى.
حجقو باعىتتارى بويىنشا جۇمىسقا ورنالاسقانداردىڭ جالاقى مولشەرى ەڭ تومەنگى جالاقىنىڭ كەمىندە ەكى مولشەرى دەڭگەيىندە بەلگىلەنەدى (83 مىڭ تەڭگە). ەكولوگيالىق ۇستەمەاقىلار بويىنشا تولەمدەردى ەسەپكە الماعاندا, سالىقتاردى, الەۋمەتتىك تولەمدەردى جانە پايدالانىلماعان ەڭبەك دەمالىسى ءۇشىن وتەماقىنى ەسكەرە وتىرىپ جۇرگىزىلەدى.
