كوروناۆيرۋس • 16 قاراشا، 2021

ءۇش جەتكىنشەك ۆيرۋس جۇقتىردى

43 رەت كورسەتىلدى

سوڭعى تاۋلىكتە اقتوبە وبلىسىندا 15 ادامنىڭ كوروناۆيرۋس ىندەتىنە شالدىققانى تىركەلسە، ونىڭ 12-ءسى ەرەسەك ادامدار اراسىندا، ال 3-ەۋى بالالار اراسىنان انىقتالدى. سونىڭ ىشىندە اقتوبە قالاسىندا – 9، مۇعالجار اۋدانىندا – 3، حرومتاۋ اۋدانىندا – 1، شالقار اۋدانىندا 2 جاعداي تىركەلسە، باسقا اۋدانداردا كۆي ناۋقاستارى تىركەلگەن جوق. سونداي-اق 53 ادام وقشاۋلاندى. بۇل تۋرالى وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى مۇحتار سەرباەۆ بريفينگتە باياندادى.

پاندەميا باستالعالى اقتوبە وبلىسىندا 34 649 ادام اۋىرىپ شىقسا، ونىڭ 76،4%-ى سيمپتومدى تۇرىنە شال­دىققاندار. ناۋ­قاس­تان­عانداردىڭ اراسىندا 40-49 جاس اراسىنداعىلار كۆي-گە ەڭ كوپ شالدىققان. پان­دەميا باستالعالى وقۋ­شى­لار اراسىندا 981 جاعداي تىر­كەلسە، 156 مەكتەپتەن ۆيرۋس جۇقتىرعان وقۋشىلار انىقتالدى. ونىڭ 73%-ى قالا مەك­تەپتەرىنەن، 27%-ى اۋدان مەك­تەپتەرى وقۋشىلارى اراسىنان شىقتى. 15 مەكتەپ سىنىبى كارانتينگە جىبەرىلىپ، وقۋشىلار وقشاۋلاندى.

اقتوبە وبلىسى «جاسىل اي­ماقتا» قالىپ وتىر. سوڭعى اپتادا اۋرۋدىڭ تومەندەۋى بايقالادى. سوعان قاراماستان باقىلاۋ جۇمىستارى جال­عا­سىپ جاتىر. Ashyq جۇ­يەسى بويىنشا «سارى» ستا­تۋس­تاعى 105 ادامنىڭ كاران­تين تالاپتا­رىن بۇزعانى انىق­تالىپ، قو­عامدىق ورتادا جۇر­گەن «قى­زىل» ستاتۋسى بار 118 ادام­­عا اكىمشىلىك ءىس قوز­عا­ل­ىپ، ايىپ­پۇل سالىندى. جالپى، پاندەميا باستالعالى كا­­رانتين تالاپتارىن بۇز­عان­­دارعا 5 206 824 تەڭگە ايىپ­پۇل سالىندى. قاراشا ايى باستالعالى اقتوبە وبلىسىندا كوروناۆيرۋس ىندە­تى باسەڭدەۋ بايقالسا دا، الەم­­دەگى ەپيدەميولوگيالىق جاع­داي قايتا كۇردەلەنىپ با­رادى. سوڭعى ونكۇندىكتە رە­سەي مەن ەۋروپا ەلدەرىندە، ۋكراي­نادا ىندەتتىڭ ءورشۋى بايقالادى. توڭىرەكتەگى احۋال­ ەلى­مىز تۇرعىندارىنان دا قا­راپايىم ساقتىق ەرەجە­لە­رىن قاتاڭ ساقتاۋدى تالاپ ەتەدى. بۇرىنعىسىنشا ادامداردىڭ بەتپەردە كيۋى، ارا­قاشىقتىق ساقتاۋ، دەزين­فەك­تسيالىق قورعانىش زات­تارىن قورعانۋدان قاش­پا­عان ءجون.

ەڭ باستى قورعانىش – ەكپە الۋ. ءبىر ايتا كەتەرلىگى، جالپى، ىندەتكە شالدىققاندار اراسىنان ەكپە العان 129 ادام اۋىرىپ شىقتى. ەكپە الىپ، سىر­قاتقا شالدىققاندار ارا­­سىندا ءولىم جاعدايى تىر­كەلمەگەن. بۇل بارلىق تىركەلگەن اۋرۋ سانىنىڭ 0،12 پايىزىن قۇ­را­دى. وسى كور­سەتكىش ۆاك­تسي­نا­نىڭ تيىم­دى­لىگىن دا­لەل­دە­دى. ىندەت باس­تال­عالى اقتوبە وبلىسىندا 34 649 جاعداي تىركەلسە، سونىڭ ىشىندە 0،12 پايىزى ۆاكتسينانىڭ تولىق كۋرسىن العانداردان شىقتى. كوروناۆيرۋسقا قارسى ەكپە العان 129 تۇرعىننىڭ سىر­قات­قا شالدىعۋى جالپى وسى ىندەتپەن تىركەلگەن بارلىق اۋرۋ سانىنىڭ 10-12%-ىن عانا قۇراعان.

 

اقتوبە وبلىسى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار