قولدانىستاعى زاڭناماعا سايكەس, سوتتالعاندارعا قاتىستى سوت ۇكىمىمەن بەلگىلى ءبىر ورىندارعا بارۋعا, ياعني وقۋ ورىندارىنا جاقىنداۋعا, تۇنگى ۋاقىتتا ۇيدەن شىعۋعا, پروباتسيا قىزمەتىنە حابارلاماي, تۇرعىلىقتى جەرىنەن تىس جەرلەرگە شىعۋعا تىيىم سالۋ سياقتى شەكتەۋلەر قويىلۋى مۇمكىن.
«پروباتسيا قىزمەتىنىڭ ينسپەكتورى سوتتالعانداردىڭ بەلگىلەنگەن تالاپتاردى ناقتى ۋاقىتتا دا, وتكەن كەزەڭ ءۇشىن دە ساقتاۋىن قاداعالاي الادى. قىزمەتكەر قاجەتتى دەرەكتەردى كومپيۋتەردىڭ, پلانشەتتىڭ نەمەسە سمارتفوننىڭ كومەگىمەن جەكە كابينەت ارقىلى تەكسەرە الادى. ەگەر سوتتالعان ادام بەلگىلەنگەن شەكتەۋلەردى بۇزسا نەمەسە بىلەزىكتى زاقىمداۋعا تىرىسسا, بۇزۋشىلىق تۋرالى بەلگى دەرەۋ تۇسەدى.
بەلگىلەنگەن تىيىم سالۋلاردى بۇزۋ, ەلەكتروندى باقىلاۋ قۇرالدارىن قولدانۋدان باس تارتۋ نەمەسە جابدىقتى ءبۇلدىرۋ انىقتالعان كەزدە پروباتسيا قىزمەتى ونى باس بوستاندىعىنان ايىرۋ تۋرالى ماسەلەنى قاراۋ ءۇشىن ماتەريالداردى سوتقا جىبەرەدى», دەلىنگەن ۆەدومستۆو حابارلاماسىندا.
مينيسترلىكتىڭ حابارالۋىنشا بۇل جاڭالىق قىلمىستىق-اتقارۋ جۇيەسىن جاڭعىرتۋ اياسىندا ەنگىزىلۋدە. ەسەپكە الىنعان ادامداردى قاشىقتىقتان باقىلاۋ قۇرالدارى (پلانشەتتەر, ەلەكتروندى بىلەزىكتەر) سوتتالعانداردىڭ قايتا قىلمىس جاساۋ تاۋەكەلدەرىن بارىنشا ازايتۋعا مۇمكىندىك بەرەدى جانە پروباتسيا قىزمەتىنىڭ باقىلاۋ ساپاسىن جاقسارتادى.
«ەڭ الدىمەن, بىلەزىكتەر سوتتالعاندارعا, جىنىستىق تيىسپەۋشىلىككە قارسى قىلمىستار ءۇشىن جانە جازانى وتەۋ شارتتارىن ۇنەمى بۇزاتىندارعا قولدانىلادى. قالعان سوتتالعاندار ءۇشىن ءموبيلدى قۇرىلعىلاردا ارنايى قوسىمشانى پايدالانۋ كوزدەلەدى. قاجەتتى جابدىق جالداۋ نەگىزىندە پايدالانىلادى, بۇل قىزمەت كورسەتۋ شىعىندارىن ەداۋىر ازايتادى.
كەلەسى جىلدان باستاپ پروباتسيا قىزمەتىنىڭ ەسەبىندە تۇرعانداردىڭ بارىنە ەلەكتروندى باقىلاۋ قۇرالدارىن قولدانۋ پراكتيكاسىن كەڭەيتۋ جوسپارلانىپ وتىر. بارلىعى 2,5 مىڭعا جۋىق ەلەكتروندى بىلەزىك پەن 25 مىڭنان استام ءموبيلدى قۇرىلعى قاجەت», دەپ جازدى ىشكى ىستەر مينيسترلىگى.
