ءۇي جانۋارلارى جاڭا يەلەرىن كۇيزەلىستەن شىعارۋعا جانە سوتتالعاندار اراسىنداعى قوعامعا قارسى مىنەز-ق ۇلىقتى جويۋعا كومەكتەسەدى.
بۇل – قاناتقاقتى جوبا. قازىرگى ۋاقىتتا جاڭا جوبامەن ناحونراتچاسيما, رايونگ, كلونگحاي جانە حاوبين تۇرمەلەرى قامتىلاتىن بولادى. تۇزەتۋ دەپارتامەنتى يتتەردى قولدانۋ ارقىلى تەراپيانىڭ تيىمدىلىگىن تەكسەرەدى.
«وسىلايشا تۇتقىندار قاماۋدان شىققاننان كەيىن قوعامعا ورالۋعا پسيحولوگيالىق تۇرعىدان دايىندالا الادى» دەپ بولجايدى مينيسترلىك.
ادىلەت ءمينيسترى سومساك تەپسۋتيننىڭ ايتۋىنشا, مينيسترلىك جوبا ءۇشىن يتتەر ىزدەپ جاتىر. تۇتقىنداردىڭ ءۇي جانۋارلارىمەن قانشا ۋاقىت وتكىزەتىنى ءالى بەلگىسىز. تۇتقىنعا ونىڭ مىنەزى مەن تەمپەرامەنتىنە سايكەس كەلەتىن يت الىنادى دەپ حابارلانعان. سونىمەن قاتار سوتتالعان ازاماتتارعا جانۋارلارعا دۇرىس قاراۋ جانە ولارعا كۇتىم جاساۋ ۇيرەتىلەدى.
ەگەر مۇنداي باستاما ءساتتى بولسا, بيلىك ونى ەلدىڭ باسقا تۇزەۋ مەكەمەلەرىنە دە تاراتۋعا نيەتتى.
