الەم • 12 قاراشا, 2021

ۇلىبريتانيا جاڭا ۆاكتسينانى سىناقتان وتكىزە باستادى

140 رەت

كورسەتىلدى

1 مين

وقۋ ءۇشىن

وكسفورد ۋنيۆەرسيتەتى ازىرلەگەن ەبولا ۆيرۋسىنا قارسى جاڭا ۆاكتسينا كلينيكالىق سىناقتان وتكىزىلە باستادى, دەپ حابارلايدى Egemen.kz.

گاۋھار قاپاش

ۇلىبريتانيا جاڭا ۆاكتسينانى سىناقتان وتكىزە باستادى

بۇل تۋرالى Daily Mail سايتى مالىمدەدى.

ۆاكتسينا ۆيرۋستىڭ ورشۋىنە سەبەپ بولاتىن زاير جانە سۋدان تۇرلەرىنە قارسى كۇرەسۋ ءۇشىن جاسالعان.

جاڭا ۆاكتسينا گەنەتيكالىق تۇرلەندىرىلگەن ۆيرۋستىڭ السىرەگەن نۇسقاسىنا نەگىزدەلگەن, سوندىقتان ونىڭ ادام اعزاسىندا كوشىرمەسى پايدا بولۋى مۇمكىن ەمەس. بۇل ءادىس كوروناۆيرۋسقا قارسى Oxford/AstraZeneca ۆاكتسيناسىن جاساۋ كەزىندە ءساتتى قولدانىلدى.

سىناقتىڭ ءبىرىنشى كەزەڭىندە 18-55 جاس ارالىعىنداعى 26 ادام ۆاكتسينانىڭ ءبىر دوزاسىن الىپ, التى اي بويى باقىلاۋدا بولادى. ناتيجەلەر 2022 جىلدىڭ ەكىنشى توقسانىندا جاريالانادى.

«ەبولا ۆيرۋسىنىڭ كەزدەيسوق ءورشۋى ءالى دە زارداپ شەككەن ەلدەردە بولىپ جاتىر, بۇل ادامداردىڭ, اسىرەسە الدىڭعى قاتارداعى مەديتسينا قىزمەتكەرلەرىنىڭ ومىرىنە قاۋىپ توندىرەدى. بۇل جويقىن اۋرۋمەن كۇرەسۋ ءۇشىن بىزگە كوبىرەك ۆاكتسينا قاجەت», دەدى وكسفورد ۋنيۆەرسيتەتىنىڭ جەتەكشى عىلىمي زەرتتەۋشىسى تەرەزا لامبە.

عىلىمدا ەبولا ۆيرۋسىنىڭ ءتورت ءتۇرى بەلگىلى ەكەنى ايتىلادى. ولاردىڭ ىشىندە زاير نۇسقاسى - ەڭ قاۋىپتىسى, بۇل جاعدايلاردىڭ 70-90 پايىزىندا ولىمگە اكەلەدى.

ەسكە سالايىق, ەبولا ۆيرۋسىن جۇقتىرعاندار سانى بويىنشا ەڭ ۇلكەن ىندەت باتىس افريكادا 2014-2016 جىلدارى بولعان. زارداپ شەككەندەر سانى 11 مىڭنان استى.