«قازىرگى ۋاقىتتا ءبىز «قازاۆتوجول» ۇك» اق جانە «قازاقاۆتوجول» جشس بىرلەسىپ, قولايسىز اۋا رايى جاعدايلارى تۋرالى ەسكەرتۋلەرگە نازار اۋدارماي, قىسقى ۋاقىتتا قالادان شىعاتىن تۇرعىنداردى جاۋاپكەرشىلىككە تارتۋ مۇمكىندىگىن قاراستىرىپ جاتىرمىز. اۋا رايىنىڭ قولايسىزدىعى مەن ەسكەرتۋلەردى ەلەمەي جولعا شىعاتىندار بار. ناتيجەسىندە, سول ادامدار توتەنشە جاعدايعا تاپ بولادى. ياعني, جول قىزمەتىنىڭ قىزمەتكەرلەرى بوران كۇندەرى شىققان اۆتوكولىكتەردىڭ يەلەرى تۋرالى حابارلايتىن بولادى, ودان كەيىن ءتارتىپ ساقشىلارى مۇنداي ازاماتتاردى اكىمشىلىك جاۋاپكەرشىلىككە تارتادى. بۇل جەردە باستى ماسەلە – ادامداردىڭ قاۋىپسىزدىگى», دەدى ە.رايىمبەكوۆ.
ونىڭ ايتۋىنشا, زاڭنامادا مۇنداي جاۋاپكەرشىلىك قاراستىرىلعان. سوندىقتان ەسكەرتۋلەرگە نازار اۋدارمايتىن جۇرگىزۋشىلەردى جاۋاپكەرشىلىككە تارتۋ ءۇشىن شارالار قابىلداناتىن بولادى.
