قالا تۇرعىنى ق.قوشتاەۆ جەكە كومپيۋتەرلەردى لوتەرەيا اپپاراتتارى تۇرىندە راحات شاعىن اۋدانى, ن.تىلەنديەۆ كوشەسى, 21/3 عيمارات مەكەن-جايى بويىنشا ورنالاستىرعان. تەكسەرۋ بارىسىندا كومپيۋتەرلەر مەن تەلەديدارلار تاركىلەندى.
ق.كوشتاەۆقا 1,1 ميلليون تەڭگە كولەمىندە ايىپپۇل سالىندى. قما جالعا بەرۋشىلەردىڭ دە ءۇي-جايدى زاڭسىز ويىندار نەمەسە اۆتوماتتارعا ۇسىنعانى ءۇشىن قر قك-ءنىڭ 307-بابى بويىنشا قىلمىستىق جاۋاپقا تارتىلۋى مۇمكىن ەكەندىگىن حابارلايدى.
جالعا بەرۋشىلەر قىلمىستىق جاۋاپكەرشىلىكتەن قالاي قۇتىلا الادى؟
1. كوممەرتسيالىق ءۇي-جايلاردى جالداۋعا بەرگەندە مىندەتتى تۇردە جالعا بەرۋ شارتىن جاساڭىز.
2. ءۇي-جايدى نەمەسە كوممەرتسيالىق اۋماقتى تەك زاڭمەن رۇقسات ەتىلگەن قىزمەتتى جۇزەگە اسىرۋ ءۇشىن عانا جالعا بەرىڭىز.
3. ەگەر ءسىز ءۇي-جايدى جالعا بەرسەڭىز, ال جالعا الۋشى وندا زاڭسىز ويىن اۆتوماتتارىن قويسا نەمەسە استىرتىن كازينو ۇيىمداستىرسا – تەز ارادا قارجىلىق مونيتورينگ ورگاندارىنا حابارلاسىڭىز.
«ول ءۇشىن اگەنتتىكتىڭ رەسمي اككاۋنتتەرىنە جەكە حابارلامادا فوتو جانە مەكەنجايدى جولداساڭىز نەمەسە +7 (7172) 708 478 سەنىم تەلەفونىنا حابارلاسساڭىز جەتكىلىكتى», دەلىنگەن اگەنتتىكتىڭ ءباسپاسوز قىزمەتى تاراتقان اقپاراتتا.
