كولەمى ۇلكەن جۇك كولىگى تاسىمالداۋ بارىسىندا جىلۋ ماگيسترالى زاقىمدانعان. كاماز جۇرگىزۋشىسى جۇكتىڭ بيىكتىگىن ەسەپكە الماي, ناتيجەسىندە 8 كوشەنىڭ تۇرعىندارى جىلۋسىز وتىر.
«9 قاراشادا گاباريتى ۇلكەن جۇكتى تاسىمالداعان جۇك كولىگى قۇرمانعازى كوشەسىندەگى م3ب جىلۋ ماگيسترالىنىڭ ديامەترى 820 مم تىك پ-ءتارىزدى كومپەنساتورىن زاقىمدادى. قازىرگى ۋاقىتتا ۋچاسكە جىلۋدان ءوشىرىلدى. پاسساجيرسكايا, ن.ءابدىروۆ, ەرمەكوۆ, پيچۋگين, نوۆوسەلوۆ, رەزنيك, موجايسكي, قۇرمانعازى كوشەلەرىندەگى تۇرعىن ۇيلەر مەن وبەكتىلەر اپاتتى رەجيم ايماعىنا اۋىستىرىلدى. سودان كەيىن جۇمىس بريگاداسى قالپىنا كەلتىرۋ جۇمىسىن جۇرگىزدى», دەپ حابارلادى «تەپلوترانزيت كاراگاندا» جشس ءباسپاسوز قىزمەتى.
سول كۇنى كەشكە ۇيلەردىڭ جىلۋ جۇيەسىن قالپىنا كەلتىرۋ جانە جىلۋ بەرۋ جۇمىستارى اياقتالدى. توتەنشە جاعدايعا كىنالى جۇرگىزۋشى اكىمشىلىك جاۋاپكەرشىلىككە تارتىلىپ, ايىپپۇل تولەيدى.
