«ماسەلە ول كولىكتەردى تىركەۋدە عانا ەمەس. ىشكى ىستەر مينيسترلىگىنىڭ مالىمەتىنشە كەيبىر كولىك قۇرالدارىنا رەسەي فەدەراتسياسىندا ىزدەۋ جاريالانعان, ال كەيبىر كولىكتەردى تىركەۋدەن مۇلدەم شىعارىپ تاستاعان. ون ەمەس, مىڭداپ سانالادى. دەمەك ونداي كولىكتەرگە جاي ءنومىردى تاعا سالعان. رەسەيدە دە تىركەۋدە جوق, كريمينالدىق جانە ۇرلانعان كولىكتەر عوي», دەدى شىنداليەۆ جۋرناليستەرگە بەرگەن سۇحباتىندا.
ونىڭ ايتۋىنشا, ەش جەردە تىركەلمەگەن جانە ۇرلانعان كولىكتەردى پايدالانۋ زاڭعا قايشى.
«ول كولىكتەردى پايدالانىپ وتىرعان ادامداردىڭ ارەكەتى زاڭسىز بولىپ سانالادى. ءبارىمىز – قازاقستان ازاماتىمىز. زاڭعا باعىنۋىمىز قاجەت, زاڭدى قۇرمەتتەۋىمىز كەرەك. زاڭدا كولىكتى تىركەۋگە قويۋ قاجەت دەپ جازىلعان با, ونى تىركەۋگە قويۋ كەرەك. ونى حالىقتىڭ قاۋىپسىزدىگى ءۇشىن جاسايدى عوي», دەپ اتاپ ءوتتى شىنداليەۆ.
وسى ورايدا باس پروكۋروردىڭ ورىنباسارى رەسەي نومىرىمەن جۇرگەن كولىكتەردى سەبەپسىز توقتاتپاۋ ماسەلەسىنە دە توقتالدى. ونىڭ ايتۋىنشا, ادام ءوز ەركىمەن زاڭ تالاپتارىن ورىنداپ, ەش جەردە تىركەلمەگەن كولىكتى زاڭداستىرۋى قاجەت.
