ۇشجاقتى كوميسسيا وتىرىسى

كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن الەۋمەتتىك ارىپتەستىك پەن الەۋمەتتىك جانە ەڭبەك قاتىناستارى بويىنشا رەسپۋبليكالىق ۇشجاقتى كوميسسيانىڭ كەزەكتى وتىرىسى بولدى, دەپ حابار­لادى پرەمەر-ءمينيستردىڭ ءباسپاسوز قىزمەتى. كۇن ءتارتىبىنىڭ نەگىزگى تاقىرى­بى ەڭبەك كيكىلجىڭدەرىنىڭ الدىن الۋ مەن ساقتاندىرۋ ماسەلەلەرىن تالقىلاۋ بولدى. بۇل ماسەلە بويىنشا ەڭبەك جانە حالىقتى الەۋ­مەتتىك قورعاۋ ءمينيسترى تاما­را دۇيسەنوۆا, كاسىپوداقتار فە­دەراتسياسىنىڭ توراعاسى ابىلعازى قۇسايىنوۆ, ورتالىق مەملەكەتتىك ورگاندار مەن وبلىس اكىمدىكتەرى باسشىلارى سويلەدى. «مەملەكەت باسشىسى تاياۋدا وتكەن ۇكىمەتتىڭ كەڭەيتىلگەن وتىرىسىندا الەمدىك ەكونوميكاعا قاراي باعىت الۋ اعىمىن جانە ىشكى جاعدايلاردى ەسەپكە الىپ, ەلىمىزدە ماكروەكونوميكالىق جانە الەۋمەتتىك تۇراقتىلىقتى ساقتاۋ بويىنشا ساقتاندىرۋ شارالارىن جۇزەگە اسىرۋ مىندەتىن قويدى», دەدى ب.ساعىنتاەۆ كەڭەستى اشا وتىرىپ. ءوز كەزەگىندە, ب.ساعىنتاەۆ بيۋد­جەتتەن تولەنەتىن الەۋ­مەت­تىك جاردەماقىلار مەن تولەم­دەر­دىڭ ءوسىرىلۋى عانا ەمەس, كۆازي­مەم­لەكەتتىك جانە جەكە مەنشىك سەك­­تورلار جۇمىسكەرلەرىنىڭ ەڭبەك­اقىلارىنىڭ ارتتىرىلۋى دا قا­راستىرىلاتىنىن اتاپ ءوتتى. «پرەزيدەنت ءىرى تاۋ-كەن جانە مەتاللۋرگيالىق كاسىپورىندار, مۇناي-گاز جانە ۇلتتىق كومپانيا­لار باسشىلارىنا وندىرىسپەن اي­نالىساتىن جۇمىسكەرلەردىڭ جالا­قىسىن 10 پايىزعا كوتەرۋ ءجو­نىندە ۇندەۋ تاستادى. ءبىز ۇشجاقتى كوميسسيا رەتىن­دە مەملەكەت باسشىسىنىڭ بۇل باستاماسىن جۇزەگە اسىرۋعا ءوز ۇلەسىمىزدى قوسۋىمىز كەرەك», دەدى ءبىرىنشى ۆيتسە-پرەمەر. تامارا دۇيسەنوۆا كەلتىرگەن دەرەككە قاراعاندا, بۇگىنگى كۇنگە ەلىمىزدە ەڭبەكاقى بويىنشا قا­رىز وتكەن جىلعى سايكەس مەر­زىم­مەن سالىستىرعاندا, 27 پايىزعا كەمىگەن, وندىرىستە جازاتايىم جاعدايعا ۇشىراۋ سانى ازايعانى بايقالادى. ۇكىمەت باسشىسىنىڭ ءبىرىنشى ورىنباسارى ب.ساعىنتاەۆ وتكەن جىلدىڭ باسىنان بەرى تۋىنداعان ەڭبەك كيكىلجىڭدەرىنىڭ جارتىسىنا جۋىعى ەڭبەكاقىنى ۋاقىتىندا تولەمەۋ سەبەبىنەن بولعانىن اتاپ كورسەتتى. «بۇگىنگى كۇنگە ەڭبەك داۋ­لارى­نىڭ الدىن الۋ مەن ودان ساقتاندىرۋ تەتىكتەرىنىڭ ويدا­عى­داي جەتىلمەۋى, الەۋمەتتىك-ەڭبەك كيكىلجىڭدەرىن ارانداتۋدىڭ قۇ­قىقتىق جاۋاپكەرشىلىگىنىڭ ءتو­مەندىگى پروبلەمالارى ءالى دە قالىپ وتىر», – دەپ اتاپ ءوتتى ب.سا­عىنتاەۆ. ورىن الىپ وتىرعان پروب­لەمالاردى شەشۋ ماقساتىندا كا­سىپ­وداقتار قىزمەتىن جاقسارتۋعا, الەۋمەتتىك-ەڭبەك كيكىلجىڭدەرىن شەشۋ مەن الەۋمەتتىك شيەلە­نىس­تەردەن ساقتاندىرۋ بويىنشا كەشەندى جوسپاردى جۇزەگە اسى­رۋعا باعىتتالعان, «كاسىپتىك وداق­تار تۋرالى» زاڭنىڭ جوباسى دايىندالدى. وتىرىس قورىتىندىسى بويىنشا ب.ساعىنتاەۆ بورىشتاردى وتەۋ جانە تۇتاستاي ال­عاندا, ەڭ­بەك­اقى تولەۋ ماسە­لە­­لەرىن شە­شۋ بويىنشا جۇ­مىس­تى جاندان­دىرۋدى تاپسىردى. وبلىس اكىمدىكتەرىنە وڭىرلەردەگى جاعدايلارعا اشىق تا تۇراقتى مونيتورينگ ۇيىم­داس­تىرۋدى, ىقتيمال دەگەن ەڭبەك كيكىلجىڭدەرىنىڭ ۋاقىتىندا الدىن الۋ شارالارىن قابىلداۋدى تاپسىردى.