مونيتورينگ جاساۋشىلار جامبىل اۋدانىنداعى «پرەسنوۆ-جەكەكول-قايرانكول» باعىتىنداعى 17 شاقىرىمدىق جولدىڭ ساپاسىن تەكسەردى. بۇل جولدىڭ تاڭدالۋى تەگىن ەمەس. Kaz Fortis جشس جوندەگەن بۇل جول 2019 جىلى سالىنىپ بىتكەن. سول جىلى «ساپالى جول» جوباسىنىڭ شەڭبەرىندە ساپاسى تەكسەرىلگەندە كوپتەگەن جەتىسپەۋشىلىك بارى انىقتالعان. ءىستىڭ اياعى سوتقا جەتىپ, مەردىگەر كومپانياعا 2021 جىلدىڭ قازان ايىنىڭ اياعىنا دەيىن جەتىسپەۋشىلىكتەردى جويۋ مىندەتتەلگەن بولاتىن. بۇل جولى سول مىندەتتەردىڭ ورىندالۋى قاداعالاندى.
ارناۋلى اسپاپپەن اسفالتتىڭ قالىڭدىعى مەن توسەلگەن ماتەريالداردىڭ ساپاسىن تەكسەرۋ بارىسىندا جاڭادان توسەلگەن جولدىڭ ستاندارتتارعا سايكەس ەمەس ەكەندىگى انىقتالدى. جۇقا توسەلگەن اسفالت الدەن جارىلىپ جاتىر. سونىمەن قاتار بۇرىن قايتا توسەلسىن دەگەن جەرلەر سول قالپىندا قوزعالماعان.
جولدى جوندەۋگە تاپسىرىس بەرۋشى مونيتورينگتىك توپتىڭ دەرەگى بويىنشا سوتتىڭ شەشىمىن ورىنداماعان مەردىگەرگە جەتىسپەۋشىلىكتەردى جويۋ ءۇشىن رەسمي تۇردە شەكتەۋلى ۋاقىت بەردى. ەگەر ول ورىندالماسا جول جوندەلمەگەن ءاربىر كۇن ءۇشىن 10 اەك كولەمىندە ءوسىم سالىناتىنى ەسكەرتىلدى. بۇل سوتتىڭ شەشىمىندە بۇرىن قاراستىرىلعان بولاتىن. ەگەر سوت شەشىمى ورىندالماسا مەردىگەر اكىمشىلىك قۇقىقبۇزۋشىلىق بويىنشا جاۋاپقا تارتىلاتىن بولادى. باق پەن قوعامدىق ورىندار وكىلدەرىنەن تۇراتىن ارنايى جۇمىس توبى جول جوندەۋ جۇمىستارىن قاداعالايتىن بولادى.
جول سالۋ مەن جوندەۋ جۇمىستارىنىڭ ساپاسىنا وسىنداي باقىلاۋلار جاسالماسا – باسقا امال جوق.
سولتۇستىك قازاقستان وبلىسى
