ناقتىلاي ايتقاندا, بايقاۋعا قاتىسۋشى ءبىر فيلمدە سان قىرىنان كورىنىپ, ستسەناريست, رەجيسسەر, وپەراتور, مونتاج, ءتىپتى اكتەر رەتىندە دە ءوز شەبەرلىگىمەن ەرەكشەلەنۋى كەرەك.
فەستيۆالدى ۇيىمداستىرۋشى بەلگىلى رەجيسسەر فارحات سەركەباەۆ قاتىسۋشىلاردىڭ قاتارى كۇننەن-كۇنگە كوبەيىپ كەلە جاتقانىن ايتادى. ۇمىتكەرلەر «ۇزدىك رەجيسسۋرا», «ۇزدىك وپەراتورلىق جۇمىس», «ۇزدىك ستسەناري», «ۇزدىك اكتەر», «ۇزدىك الەۋمەتتىك روليك», «ۇزدىك موتيۆاتسيالىق روليك», «ۇزدىك كومەديا», «كورەرمەندەر كوزايىمى» سياقتى 7 اتالىم بويىنشا باق سىنايدى.
– جوبانىڭ باستى ەرەكشەلىگى سول – كەز كەلگەن ادام ءوز ءفيلمىن ءموبيلدى قۇرىلعىسىنا تۇسىرە الادى. ول ءۇشىن ۇلكەن ءتۇسىرىلىم توبى دا, اپپاراتۋرا دا, ارنايى الاڭ دا قاجەت ەمەس. 5 مينۋتتان اسپايتىن فيلممەن بايقاۋ جەڭىمپازى اتانۋعا اركىمنىڭ مۇمكىندىگى بار. جانرلىق شەكتەۋ دە جوق. ول الەۋمەتتىك دراما بولا ما, الدە كومەديا ما, ەڭ باستىسى, يدەياعا ءمان بەرىلەدى. اۋقىمدى جوبامىزدى «قازاقفيلم» كينوستۋدياسى قولداپ وتىر, دەدى ف.سەركەباەۆ.
ۇيىمداستىرۋشىنىڭ ايتۋىنشا, شارانىڭ باستاپقى ماقساتى توبىل ءوڭىرىنىڭ تۇرعىندارى اراسىنان ۇزدىكتەردى ىرىكتەۋ بولاتىن. بىراق سوعان قاراماستان, فەستيۆال سايتىنا الماتى, شىمكەنت, تاراز, ورال قالالارىنىڭ تۇرعىندارى دا ماتەريالدارىن جۇكتەگەن. سوندىقتان, ەكپىندى قوستاناي وبلىسىنا سالىپ, ءالى دە كوپ قاتىسۋشىنىڭ ءوتىنىم بەرۋىن كۇتۋ جوسپاردا بار.
فەستيۆال ەرەجەسىنە سايكەس, 10-20 قاراشا ارالىعىندا ىرىكتەۋ اينالىمى ءوتىپ, 26 قاراشادا جەڭىمپازدار ماراپاتتالۋى ءتيىس. جەڭىمپازدارعا مونتاج جاساۋعا ارنالعان كومپيۋتەر, قىمبات سمارتفون, درون سەكىلدى باعالى سىيلىقتار تابىس ەتىلەدى.
قوستاناي وبلىسى
