ۆەدومستۆو حابارلاماسىنا سايكەس, 2021 جىلعى 4 قاراشادان باستاپ قازاقستان رەسپۋبليكاسىنىڭ سەرتيفيكاتتالعان اۋەايلاقتارىن پايدالانۋشىلار يكاو-نىڭ جاڭا ءادىسناماسى بويىنشا ۇقج بەتىنىڭ جاعدايى تۋرالى حابارلامانى بەرۋگە جانە باعالاۋدى ورىنداۋعا كىرىستى. GRF ەنگىزىلۋىمەن قازاقستاندا العاش رەت ۇشۋ ەكيپاجدارىنا «SNOWTAM» قار حابارلامالارىن جاريالاۋ باستالدى. SNOWTAM-دى العاشقى بولىپ قوستاناي, پاۆلودار, الماتى اۋەجايلارى جاريالادى.
يكاو-نىڭ ۇشۋ قاۋىپسىزدىگى سالاسىنداعى جاھاندىق ماقساتتارىنىڭ ءبىرى - ۇشۋ-قونۋ جولاعىنداعى وپەراتسيالاردىڭ قاۋىپسىزدىگىن قامتاماسىز ەتۋ. اتاپ ايتقاندا, اۋە كەمەلەرىنىڭ ۇشىپ-قونۋ جولاعىنان تىس شىعۋىنا بايلانىستى اۆياتسيالىق وقيعالاردىڭ ۇلەسى شامامەن 15%-دى قۇرايتىندىقتان, اۋە كەمەلەرىنىڭ شىعىپ كەتۋ سانىن قىسقارتۋ, بۇل رەتتە وسى وقيعالار ساناتىنا بارلىق اۆياتسيالىق اپاتتاردىڭ 50%-ى كەلەدى. ۇشۋ-قونۋ جولاعىنان تىس شىعىپ كەتۋ جاعدايلارىنىڭ 80%-ى قىسقى ۋاقىتتا اتموسفەرالىق جاۋىن-شاشىننىڭ بولۋى سالدارىنان ۇشۋ-قونۋ جولاعىندا ءىلىنىسۋدىڭ تومەندەۋىنە بايلانىستى.
GRF ادىستەمەسى ۇشۋ-قونۋ جولاعى بەتىنىڭ جاعدايىنا باعالاۋ جۇرگىزۋگە جانە حابارلامانى دايىنداۋعا بۇكىل الەمدە بىركەلكى ءتاسىلدى قامتاماسىز ەتە وتىرىپ, وندا اتموسفەرالىق جاۋىن-شاشىن بولعان كەزدە اۋە كەمەلەرىنىڭ ۇشۋ-قونۋ جولاعىنان تىس شىعىپ كەتۋ جاعدايلارىنىڭ الدىن الۋ ارقىلى ۇشۋ قاۋىپسىزدىگىن ارتتىرۋعا باعىتتالعان. ۇقج-نىڭ جاي-كۇيى تۋرالى حابارلامانى اۋە كەمەلەرىن ءوندىرۋشى ۇسىنعان ۇشاقتىڭ ۇشۋ-تەحنيكالىق سيپاتتامالارى تۋرالى دەرەكتەرمەن سالىستىرا وتىرىپ, ۇشۋ ەكيپاجى قاۋىپسىز قونۋ ءۇشىن ۇشۋ-قونۋ سيپاتتامالارىن ەسەپتەي الادى.
