«پروكۋراتۋرا ورگاندارى كوللەكتورلار قىزمەتىندەگى زاڭ بۇزۋ فاكتىلەرىن انىقتاۋ جانە جولىن كەسۋ بويىنشا جوسپارلى جۇمىس جۇرگىزۋدە. بۇگىنگى تاڭدا ەلىمىزدە 200-گە جۋىق كوللەكتورلىق ۇيىم جۇمىس ىستەيدى. ولاردىڭ قىزمەتى ۇنەمى ازاماتتاردىڭ سىنىنا ۇشىراپ جاتادى. 2020 جىلى مەن بيىلعى 8 ايدا ۋاكىلەتتى ورگانعا ولاردىڭ زاڭسىز ارەكەتتەرى تۋرالى 691 شاعىم كەلىپ ءتۇستى. سول شاعىمدار بويىنشا تەكسەرۋلەر جۇرگىزىلدى», دەپ جازدى عيزات نۇرداۋلەتوۆ دەپۋتاتتىق ساۋالعا بەرگەن جاۋابىندا.
سونداي-اق, ول كوللەكتورلىق ۇيىمدار ءجيى جىبەرەتىن نەگىزگى زاڭبۇزۋشىلىقتاردى اتادى.
«نەگىزگى بۇزۋشىلىقتار – بورىشكەردى مىندەتتەمەلەردى ورىنداۋعا ماجبۇرلەيتىن جوسىقسىز ارەكەتتەر; بەرەشەكتىڭ مولشەرىنە, سيپاتىنا جانە تۋىنداۋ نەگىزدەرىنە قاتىستى جاڭىلىستىرۋ; قارىز بويىنشا قۇقىقتاردىڭ (تالاپتاردىڭ) ءۇشىنشى تۇلعاعا ءوتۋ مۇمكىندىگى تۋرالى حابارلاما تالابىن ساقتاماۋ جانە باسقالار», دەپ اتاپ ءوتتى باس پروكۋرور.
ونىڭ مالىمەتى بويىنشا, تەكسەرۋلەر قورىتىندىسى نەگىزىندە تىزىلىمنەن 28 كوللەكتورلىق اگەنتتىك شىعارىلعان.
«سونداي-اق 12 ملن تەڭگەگە 60 دەن قويۋ شاراسى مەن سانكتسيالار قولدانىلدى. تەكسەرۋ قورىتىندىسى بويىنشا 22 كوللەكتورلىق اگەنتتىك قىزمەتىن ەرىكتى تۇردە توقتاتۋ تۋرالى شەشىم قابىلدادى. 4 جىل ىشىندە كوللەكتورلىق كومپانيالارعا اكىمشىلىك قۇقىق بۇزۋشىلىق تۋرالى بار-جوعى 45 حاتتاما جاسالعان. بۇل ولاردىڭ اتىنا جىبەرىلگەن بۇزۋشىلىقتار مەن شاعىمدار سانىنا ناقتى سايكەس كەلمەيدى. كوللەكتورلاردى بۇزۋدىڭ الدىن الۋ ءۇشىن پروكۋراتۋرا ورگاندارى ولاردىڭ جۇمىسىن باقىلايتىن اگەنتتىكتىڭ جاۋاپكەرشىلىگىن ارتتىرۋ تاسىلدەرىن قايتا قاراستىرۋدا», دەپ تۇيىندەدى عيزات نۇرداۋلەتوۆ.
