ء«وز ءىسىن اشۋ ءۇشىن, ونىڭ ىشىندە «باستاۋ بيزنەس» جوباسى شەڭبەرىندە جاعداي جاساۋ بويىنشا شارالار قابىلدانادى. ىسكەرلىك بايلانىستاردى كەڭەيتۋ ماقساتىندا شەتەلدىك بيزنەس-تاعىلىمدامالار ۇيىمداستىرۋ كوزدەلەدى. ونىمەن قوسا, جۇمىسسىز جۇرگەندەردى جۇمىسپەن قامتۋ ءۇشىن «تۇلەكتەرگە ارنالعان جاستار پراكتيكاسى», «الەۋمەتتىك وسال توپتارعا ارنالعان الەۋمەتتىك جۇمىس ورىندارى» سياقتى جوبالار, سونىمەن قاتار زەينەتكەر جاسىنا جەتكەن ادامداردى جۇمىسقا ورنالاستىرۋ ءۇشىن «كۇمىس جاس» جوباسى ىسكە اسادى», دەدى اسەت ەرعاليەۆ.
ونىڭ سوزىنشە, بارلىق جوبالاردى ىسكە اسىرۋدىڭ ارقاسىندا جەكە كاسىبىن اشاتىن ادامدار ۇلەسى 1,7 ەسەگە ارتاتىن بولادى.
«سۋبسيديالاناتىن جۇمىس ورىندارىنان بولەك تۇراقتى جۇمىس ورىندارىنا جۇمىس ىستەيتىن ازاماتتار ۇلەسى 1,4 ەسە وسەدى. قارجىلىق ەمەس قولداۋ شارالارىن العان كاسىپكەرلىك سۋبەكتىلەرىنىڭ سانى 638 مىڭ بىرلىككە جەتكىزىلمەك. قىسقا مەرزىمدى كاسىپتىك وقۋدان كەيىن جۇمىسقا ورنالاستىرۋ دەڭگەيى 55-تەن 80%-عا دەيىن وسەدى», دەيدى ۇلتتىق ەكونوميكا ءمينيسترى.
