جيىندا ءسوز سويلەگەن اكادەميا پرەزيدەنتى دارحان قىدىرالى ازەربايجاننىڭ توراعالىق ەتۋ كەزىندە پاندەمياعا قاراماستان كوپتەگەن ءىس-شارالاردىڭ ءساتتى جالعاسقانىن ايتىپ, ازەربايجاننىڭ ءبىلىم ءمينيسترى ەمين امرۋللاەۆقا جەمىستى جۇمىسى ءۇشىن ريزاشىلىعىن ءبىلدىردى.
توراعالىقتى قابىلداپ العان تۇركيا تاراپى ءوز مەرزىمىن ءساتتى جالعاستىراتىنىنا سەنىم ءبىلدىردى. ازەربايجاننىڭ ءبىلىم ءمينيسترى اكادەميا مەن عىلىمي كەڭەس مۇشەلەرىنە ريزاشىلىعىن ءبىلدىرىپ, تۇركيانىڭ ۇلتتىق ءبىلىم ءمينيسترى ماحمۋت وزەرگە توراعالىق بەلگىسىن بىلدىرەتىن تاقتانى تابىس ەتتى.
وتىرىسقا ماجارستان - باقىلاۋشى مارتەبەسىندە, ال وزبەكستان تۇڭعىش رەت قوناق رەتىندە قاتىسىپ, الداعى ۋاقىتتاردا تۇركى اكادەمياسىنىڭ جۇمىسىنا ءمان بەرەتىنىن جەتكىزدى.
وتىرىس قورىتىندىسى بويىنشا حالىقارالىق تۇركى اكادەمياسى عىلىمي كەڭەسىنىڭ V وتىرىسىن 2022 جىلى قازاقستاندا وتكىزۋ تۋرالى شەشىم قابىلداندى.
