وتىرىس بارىسىندا «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى تالقىلاندى.
حاتتامانى راتيفيكاتسيالاۋ كەلىسىمدەگى قارجىلىق مىندەتتەمەلەر جونىندەگى بىرقاتار جاعدايعا ماڭىز بەرۋگە جانە بىرلەسكەن كاسىپورىنداعى مىندەتتەردى قايتا بولۋگە مۇمكىندىك بەرەدى.
قۇجاتتا تاراپتاردىڭ «بايتەرەك» عارىش زىمىران كەشەنىنىڭ ۇشۋ سىناقتارىن 2023 جىلى ورتا دارەجەلى تاسىمالداعىش زىمىرانمەن باستاۋعا باعىتتالعان ءوزارا مىندەتتەمەلەر كوزدەلگەن.
سەناتور مۇحتار قۇل-مۇحاممەد اتالعان زاڭ جوباسى قازاقستان-رەسەي ىنتىماقتاستىعىن دامىتۋعا مۇمكىندىك بەرەتىنىن جانە «بايتەرەك» عارىش زىمىران كەشەنىنەن ۇشىرۋدى قامتاماسىز ەتۋدەگى تاراپتاردىڭ مىندەتتەرى ناقتى بولىنەتىنىن اتاپ ءوتتى.
كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا دەپۋتاتتار زاڭ جوباسىن پالاتانىڭ قاراۋىنا بەرۋ تۋرالى شەشىم قابىلدادى.
