سەناتوردىڭ ايتۋىنشا, قازاقستاندا 2040 جىلعا قاراي اۋىز سۋ 50%-عا دەيىن تاپشى بولۋى مۇمكىن.
ەلىمىزدىڭ تاۋ كولدەرىنە «قازگيدرومەت» جۇرگىزگەن كوپ جىلدىق باقىلاۋ ناتيجەسى بويىنشا وتكەن جىلى قار جامىلعىسى ايتارلىقتاي تومەندەگەنى انىقتالىپ وتىر. وسىعان بايلانىستى ءبىزدىڭ ەلىمىزدىڭ جانە كورشى مەملەكەتتەردىڭ كوپتەگەن سۋ قويمالارىندا سۋ دەڭگەيى تۇراقتى تۇردە تومەندەپ كەلەدى جانە بۇل ءۇردىس سوڭعى ءۇش جىل بويى ساقتالۋدا.
سەناتور ءوزىنىڭ دەپۋتاتتىق ساۋالىندا بىرقاتار ناقتى قادامداردى ۇسىندى.
«سۋ رەسۋرستارىنىڭ بولجامدى تاپشىلىعىن ازايتۋ ماقساتىندا ەلىمىزدە جەر استى سۋ قورلارىن زەرتتەۋ مەن قايتا باعالاۋدى جانداندىرۋ قاجەت. سونداي-اق, ۇڭعىمالاردى قازۋعا بولىنەتىن سۋبسيديالاردىڭ كولەمىن ۇلعايتۋ كەرەك. ودان باسقا, قازاقستاننىڭ بىرقاتار وبلىستارىن سۋمەن قامتاماسىز ەتىپ وتىرعان شۋ جانە تالاس وزەندەرىنىڭ بويىنان قىرعىز رەسپۋبليكاسىنىڭ «بۋرۋلداي» سۋ قويماسى مەن «بالا-سارۋ» گەس-ءىن سالۋ جوسپارلارىنا بايلانىستى ءتيىستى شارالاردى قاراۋ قاجەت», دەدى ءابدالى نۇراليەۆ.
