«شىنىندا دا, كەشە بەنزين قىمباتتادى دەگەن اقپارات كەلدى. كەيىنگى ءۇش جىلداعى ستاتيستيكانى قارادىم, 2018 جىلدان باستاپ 2021 جىلعا دەيىن اي-92 باعاسى 163 تەڭگەدەن 178 تەڭگەگە, ءۇش جىل ىشىندە 15 تەڭگەگە قىمباتتاعانىن كورىپ وتىرمىز. بۇل, ارينە, از قارقىنمەن ءوسۋ, بىراق الاڭداتارلىق جايت», دەدى مينيستر ۇكىمەت وتىرىسىنان كەيىن جۋرناليستەردىڭ سۇراقتارىنا جاۋاپ بەرىپ.
ەنەرگەتيكا مينيسترلىگىنىڭ باسشىسى قازىر ەلىمىزدە بەنزين قىمباتتاۋىنا نەگىز جوق ەكەنىن ايتتى.
«بەنزين قاجەت مولشەردە ءوندىرىلىپ, جونەلتىلەدى. بۇگىنگى تاڭدا بەنزينگە قاتىستى جاعداي تۇراقتالدى. كەشە اقپارات تۇسكەننەن كەيىن ءىرى جمقس-پەن جۇمىس ىستەي باستادىق. ەڭ الدىمەن نەلىكتەن بۇلاي بولعانىن ءتۇسىنۋ كەرەك, بىراق قازىر ەشقانداي نەگىز جوق دەپ سانايمىز. بۇل جۇمىستى باسەكەلەستىكتى قورعاۋ جانە دامىتۋ اگەنتتىگىندەگى ارىپتەستەرىمىزبەن بىرگە جۇرگىزەمىز.
بەنزين مەن ججم باعاسى تۇتاستاي رەتتەلمەيتىنىن اتاپ وتكىم كەلەدى. سوندىقتان ءبىزدىڭ مينيسترلىك باعانى رەتتەۋگە جاۋاپ بەرمەيدى, بىراق جاۋاپكەرشىلىكتى ەسكەرىپ, بۇل ماسەلەمەن اينالىسامىز», دەپ تۇيىندەدى مىرزاعاليەۆ.
