وقيعا بيىل قازاندا بولعان. 7 جاسار قىزىمەن جانە 6 جاسار ۇلىمەن ۇيدە وتىرعان اكە بالالارىن تىڭداماعانى ءۇشىن ۇرعان. ونىڭ ايتۋىنشا, بالالار بالكونعا جۇگىرىپ, ەسكەرتۋلەرىنە قۇلاق اسپاعان. سودان كەيىن كۇش قولدانۋعا شەشىم قابىلداعان. كىشكەنتايىنىڭ بىردەن ەكى ءتۇسىن تۇسىرگەن. تاياق جەگەن, جىلاعان بالالاردى 36 جاستاعى پاۆلودارلىق تاۋىپ العان. ال ايەلى جۇمىستان ورالعاندا, كۇيەۋى ۇيدە بولماعان. ول بىردەن پوليتسيا شاقىرىپ, دارىگەرگە جۇگىنگەن.
«ەكى بالا دا پاۆلودار وبلىستىق بالالار اۋرۋحاناسىنىڭ تراۆماتولوگياسىنا ءتۇستى. 2014 جىلى تۋعان قىز جۇمساق تىندەردىڭ كوگەرۋىنە, وڭ جاق يىق سۇيەگى, جابىق باسسۇيەك-مي جاراقاتىنا جانە مي شايقالۋىنا بايلانىستى قابىلداندى. مەديتسينالىق كومەك كورسەتىلگەننەن كەيىن اۋرۋحاناعا جاتقىزۋدان جانە ستاتسيونارلىق ەمدەۋدەن باس تارتۋعا قول قويىلدى», دەپ حابارلادى وڭىرلىك دەنساۋلىق ساقتاۋ باسقارماسىنىڭ ءباسپاسوز قىزمەتى.
