ايماقتار • 03 قاراشا، 2021

سوت ورىنداۋشىسىن ۇرعان الماتىلىق جازادان بوساتىلدى

87 رەت كورسەتىلدى

سوت ورىنداۋشىسىن ۇرعان الماتىلىق جازالانبايتىن ءبولدىۇ بۇل تۋرالى الماتى پوليتسياسى مالىمدەدى، دەپ حابارلايدى Egemen.kz.

قالالىق پوليتسيا دەپارتامەنتىنىڭ ءباسپاسوز قىزمەتى جاقىندا تۇرعىن ءۇيدى بۇزۋعا كەلگەن سوت ورىنداۋشىسىن ۇرعان ماقسات ىسقاقوۆقا قاتىستى «سوت ورىنداۋشىلارىنىڭ قىزمەتىنە كەدەرگى كەلتىرۋ» بابى بويىنشا جۇرگىزىلگەن تەرگەۋدىڭ قورىتىندىسى تۋرالى حابارلادى.

«تەرگەۋ بارىسىندا سوت ورىنداۋشىسىنىڭ شابۋىل جاساۋعا ءوزى يتەرمەلەگەنى انىقتالدى. قولدا بار ۆيدەونى زەرتتەپ، قىلمىستىق ءىس ماتەريالدارىنا قوستىق»، دەدى الماتى قالالىق ءىىد.

پوليتسەيلەر اتالعان ءمان-جايعا بايلانىستى قىلمىس قۇرامىنىڭ، ياعني سوت ورىنداۋشىسىنىڭ ارەكەتىنە كەدەرگىلەردىڭ جوقتىعىن ايتتى.

ەسكە سالايىق، وقيعا 4 قازاندا الماتىداعى تۇرعىن ءۇيدى بۇزۋ كەزىندە بولعان. ەر ادام سوت ورىنداۋشىسىنىڭ قابىرعاسىنان ەكى رەت ۇرعان. سوت ورىنداۋشىلار پالاتاسى ەر ادام پوليتسەيلەردىڭ كوزىنشە قىزمەتكەردى ۇرىپ-سوققانىن حابارلادى.

الماتى قالاسى بوستاندىق اۋداندىق پوليتسيا باسقارماسىنىڭ باستىعى وسى وقيعاعا قاتىستى سوت ورىنداۋشىلار پالاتاسىنا جاۋاپ بەرگەن. ال جابىرلەنۋشىنىڭ ءوزى ۆيدەو جاريالاپ، سوققىعا جىققان ەر ادامدى قاماتاتىنىن ايتقان بولاتىن.

 

سوڭعى جاڭالىقتار

ۇقساس جاڭالىقتار