«اتامەكەن» ۇلتتىق كاسىپكەرلەر پالاتاسى مەن اقش ەلشىلىگى ۇيىمداستىرعان جارمەڭكەدە قاراعاندىلىق شەبەر ۇلتتىق ناقىشتا اعاشتان جاسالعان بىرەگەي بۇيىمداردى ۇسىندى.
بايقاۋدا باق سىناعان ۇمىتكەرلەردىڭ جۇمىسىن ەۋروپا, افريكا جانە ۋكراينا ەلدەرىنىڭ ساراپشىلارى باعالادى. قازىلار جۇمىستاردىڭ سىرتقى سۇلۋلىعىنا عانا ەمەس, سونىمەن قاتار شەبەرلەر قۇرعان بيزنەستىڭ ومىرشەڭدىگىنە دە باسا نازار اۋدارعانىن ايتا كەتكەن ءجون.
جاس شەبەر اقجول جۇرتىباي قولدانبالى ونەرمەن بالا كەزىنەن اينالىسادى. العاشقى ۇستازى ءوزىنىڭ اتاسى بولدى. ايتا كەتۋ كەرەك, اقجولدىڭ اتا-اناسى دا شىعارماشىلىق ادامدارى: اكەسى اعاش شەبەرى, ال اناسى سۋرەت ءپانىنىڭ مۇعالىمى.
اقجول جۇرتىباي اعاشپەن جۇمىس ىستەۋدىڭ قىر-سىرىن اتاسى مەن اكەسىنەن ۇيرەنگەنىن ماقتان ەتەدى.
– ولار ماعان كوپ نارسەنى ۇيرەتتى. «باستاۋ بيزنەس» باعدارلاماسى بويىنشا وقىپ, ءوز ءىسىمدى اشقانىمدا ولار مىقتى قولداۋ كورسەتتى. اۋدان اكىمىنىڭ گرانتىن جەڭىپ الىپ, ول قاراجاتقا ەكى ستانوك ساتىپ الدىم. بۇل ىسكە ءوزىمنىڭ دە قارجىمدى سالدىم. ءبىر جىلعا جۋىق ۋاقىتتان بەرى مەن ءوز برەندىمدى دامىتىپ كەلەمىن. بۇل ءىس وزىمە ۇنايدى, تابىس اكەلىپ جاتقانى دا راس, – دەپ سىر اقتارادى شەبەر.
قاراعاندى وبلىسى,
قارقارالى اۋدانى
